كۇنى كەشە عانا استانادا تۇركى-سلاۆيان بايلانىسىنداعى ءتىل جانە ادەبيەت: قازىرگى زامان كوزقاراسى» اتتى حالىقارالىق عىلىمي كونفەرەنتسيا ۇيىمداستىرىلدى. ونداججەر جاھاننىڭ بەستەن ءبىر بولىگىن الىپ جاتقان تۇركى جانە سلاۆيان الەمىنىڭ مادەني ءام رۋحاني بايلانىستارى جايلى ءسوز بولدى.

وسى رەتتە ءبىز قر پرەزيدەنتى جانىنداعى "قوعامدىق كەلىسىم" رمك ەتنيكالىق قاتىناستار سالاسىندا تالداۋ جانە مونيتورينگ قىزمەتىن باسقارىپ وتىرعان تايسيا مارمونتوۆا حانىمدى سوزگە تارتتىق.

-تايسيا حانىم، تۇركى جانە سلاۆيان توپتارى اراسىنداعى بايلانىس دەگەندە ءبىرىنشى كەزەكتە قازاقستەن مەن رەسەي اراسىنداعى بۇگىنگى قارىم-قاتىناس ەسكە تۇسەدى. ەكى بولەك توپقا جاتاتىن تۇركى جانە سلاۆيان ەتنيكالارىنىڭ اراسىنداعى بايلانىس جايلى ايتا كەتسەڭىز...

- ەكى مەملەكەتتىڭ كورشىلىك سىيلاستىعى ەكى ەل اراسىنداعى بەيبىتشىلىكتى عانا كورسەتىپ قويمايدى، سونىمەن قاتار بارشا تۇركى جانە سلاۆيان حالىقتارى دوستىعىنىڭ الەمدىك ىرگەتاسى بولىپ سانالادى. رەسەي جانە قازاقستان ەۋرازيا وداعىنىڭ بىرىڭعاي دامۋ ءپوليۋسى دەسە دە بولادى. ولاردىڭ بىرلەسكەن ءىس-قيمىلىنسىز ەۋرازيا كەڭىستىگىندە بەيبىتشىلىك پەن كەلىسىمگە قول جەتكىزۋ استە مۇمكىن ەمەس. بۇل ەكى ەل، رەسەي مەن قازاقستان، ءبىر-ءبىرىنسىز ءومىر سۇرە المايتىن ەگىزدەر سەكىلدى دەر ەدىم.

-تۇركىلەر مەن سلاۆياندار بىرلەسىپ ۇلكەن دامىعان ءبىرتۇتاس كەڭىستىك قۇردى. سول كەڭىستىكتە تاريحى، مادەنيەتى جاقىن ادامدار تۇرادى عوي...

-سلاۆيان جانە تۇركى الەمى بۇگىندە 500 ملن. ادامدى قۇرايدى. بۇل دەگەنىمىز الەمدىك قۇرىلىقتىڭ بەستەن ءبىر بولشەگى. ەندەشە ۇلكەن كۇش ەمەس پە؟. قۇرامىندا رەسەي، بەلورۋس، قازاقستان، قىرعىزستان مەملەكەتتەرى بار ەۋرازيالىق وداق شىن مانىندە سلاۆيان جانە تۇركى الەمى عوي. بۇگىنگى سلاۆيان جازبالارى مەن مادەنيەتى كۇنى مەرەكەسىندە ءوتىپ جاتقان كونفەرەنتسيا ەكى حالىقتىڭ اراسىنداعى ۇلى دوستىقتىڭ سيپاتى دەپ ەسەپتەيمىن.

ءتۇيىن:  ءار جىلدىڭ مامىر ايى بىزدەر ءۇشىن قادىرلى مەرەكە - تۇركى جازۋى كۇنى مەن سلاۆيان جازۋى مەن مادەنيەتىنىڭ كۇندەرى اتالىپ وتەدى. تۇركى تەكتەس مەملەكەت رەتىندە تاريحىمىزدى ۇلاعاتتاپ، بولاشاققا باعدار قۇرعان عاسىرعا جۋىق مەرزىمدە كيريلل جازۋىن قولدانىپ كەلە جاتقان ءبىزدىڭ مەملەكەتىمىز ءۇشىن بۇگىنگى كۇننىڭ ماڭىزى ەرەكشە. بۇل مەرەكە حالىقتاردى جاقىنداستىرىپ، ورتاق قۇندىلىقتارعا بىرىكتىرىپ، «ماڭگىلىك ەل» ۇلتتىق يدەياسىن جۇزەگە اسىرۋعا بارشامىزدى جۇمىلدىراتىنى انىق.

Abai.kz