التىنشى قىركۇيەك كۇنى ەلورداعا مەملەكەتتىك ىسساپارمەن پولشا پرەزيدەنتى كەلگەن بولاتىن. 

پولشا پرەزيجەنتى اندجەي دۋدا مىرزا حالىقارالىق "استانا ەكسپو-2017" كورمەسى اياسىندا وتەتىن پولشا اپتالىعىنا قاتىسادى دەپ جوسپارلانعان.

بۇل كەزدە پولشا پرەزيدەنتىنىڭ جۇبايى اگاتا كورنحاۋسەر-دۋدا حانىم  استانا قالاسىندا ورنالاسقان №5 گيمنازيادا بولىپ، ونداعى پولياك ەتونسىنىڭ جەكسەنبىلىك مەكتەبىنىڭ قىزمەتىمەن جان-جاقتى تانىستى.

جەكسەنبىلىك مەكتەپتىڭ وقۋشىلارى پولشادان كەلگەن قوناقتاردى پولياكتىڭ ۇلتتىق كوستيۋمىندە قارسى الىپ، ونەرلەرىن كورسەتتى.

سونىمەن قاتار، ءىس-شارا بارىسىندا ف. شوپەن اتىنداعى پولياك كابينەتىنىڭ تۇساۋكەسەر ءراسىمى ءوتتى.

اگاتا كورنحاۋسەر-دۋدا حانىمنىڭ ماماندىعى - مۇعالىم. سول سەبەپتى دە اگاتا حانىم ەلىمىزدىڭ  ءبىلىم بەرۋ جۇيەسىنە قىزىعۋشىلىق ءبىلدىرىپ، اقپارات الماستى.

№5 گيمنازياسىنىڭ ديرەكتورى ا.س.ترۋفانوۆ، استانا قالاسى «روlاسy» پولياك قوعامىنىڭ توراعاسى ە.ا.روگوۆسكايا مەن پولياك جەكسەنبىلىك مەكتەبىنىڭ ديرەكتورى م.ۆ.مالينوۆسكايا پولياك جەكسەنبىلىك مەكتەبىنىڭ قىزمەتى تۋرالى جانە جالپى ءبىلىم سالاسىنا قاتىستى ماسەلەلەر تۋرالى ايتىپ بەردى.

«بۇل جەكسەنبىلىك مەكتەپ پولشادان الىس بولعانىمەن، مەنىڭ جۇرەگىمدە جىلى اسەر قالدىردى. مەنى قۋانتقانى مۇندا پولياك ءتىلىن پولياكتار  عانا ەمەس، باسقا دا ۇلت وكىلدەرى وقىپ جاتىر ەكەن»، - دەدى ءوز سوزىندە اگاتا كورنحاۋسەر-دۋدا حانىم.

جوعارىدا ايتقانىمىزداي، قازىرگى تاڭدا استانا قالاسىندا ورنالاسقان  24 ەتنومادەني بىرلەستىكتىڭ جانىندا 12 جەكسەنبىلىك مەكتەپ جۇمىس ىستەيدى.

Abai.kz