اشحابادتا بەلسەندى مەن ونىڭ قىزىن ۇرلاپ اكەتكەن
7 جەلتوقسان كۇنى بەيتانىس ادامدار اشحابادتىق جانۋارلاردى قورعاۋشى گالينا كۋچەرەنكونىڭ ءۇيىنىڭ ەسىگىن بۇزىپ كىرگەن. «تۇركىمەنستاننىڭ بالاما جاڭالىقتارى» باسىلىمىنىڭ حابارلاۋىنشا، ۇيگە باسىپ كىرگەن ادامدار بەلسەندى مەن ونىڭ قىزى ۆالەريانى الىپ كەتكەن.
سوڭعى اقپاراتقا قاراعاندا، كۇننىڭ ەكىنشى جارتىسىندا ۆالەريا كۋچارەنكونى بوساتقان. بىراق گالينا كۋچەرەنكونىڭ قايدا ەكەنى بەلگىسىز. بەيتانىس ادامدار ەسىكتى بۇزىپ جاتقاندا، گالينا كۋچەرەنكو قۇقىق قورعاۋشى ناتاليا شابۋنتسقا حابارلاپ ۇلگەرگەن.
شابۋنتس بۇل جايىندا دەرەۋ بۇۇ-نىڭ ادام قۇقىقتارى جونىندەگى ايماقتىق ورتالىعىنا حابارلاعان. شابۋنتس كۋچەرەنكو ءۇيىنىڭ ەسىگىنىڭ الدىنان پوليتسيا كولىگىن كورگەن. بىراق پوليتسيا قىزمەتكەرلەرى بۇل وقيعادان حابارىمىز جوق دەگەن.
گالينا كۋچەرەنكو الەۋمەتتىك جەلىلەردە قۇقىق قورعاۋ ورگاندارى قىزمەتكەرلەرىن ءۇي جانۋارلارىن جاپپاي ءولتىرىپ جاتىر دەپ سىناپ كەلگەن.
Abai.kz
