بۇگىن قىرعىزستاننىڭ بەسىنشى سايلانعان پرەزيدەنتى ساۋرانباي جيەنبەكوۆ  استاناعا كەلدى.

ونى اۋەجايدان قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى اسقار ءمامين مەن سىرتقى ىستەر ءمينيسترى ورىنباسارى عالىمجان قويشىباەۆ كۇتىپ الدى.

بۇل ساۋرانباي جيەنبەكوۆتىڭ قىرعىزستان پرەزيدەنتى رەتىندە قازاقستانعا جاساعان العاشقى رەسمي ءىس-ساپارى.

قىرعىز پرەزيدەنتى بۇل ءىس-ساپارى بارىسىندا قازاقستان پرەزيدەنتى نۇرسۇلتان نازارباەۆپەن كەزدەسىپ، ەكى ەل اراسىنداعى قارىم-قاتىناس جايىندا، ەۋرازيالىق ەكونوميكالىق وداق اياسىنداعى ارىپتەستىك جايىندا كەلىسسوزدەر جۇرگىزەدى دەپ كۇتىلۋدە. بۇدان بولەك سوورونباي جەەنبەكوۆ ۇكىمەت باسشىسى باقىتجان ساعىنتاەۆپەن دە كەزدەسەدى دەپ جوسپارلانۋدا.

ايتا كەتەيىك، نازارباەۆ پەن جيەنبەكوۆ بۇعان دەيىن بەلورۋسسياداعى جيىندا جولىققان ەدى.  مينسكتەگى كەزدەسۋدەن كەيىن قازاق-قىرعىز شەكارا ماسەلەسى شەشىلىپ، «جول كارتاسى» قابىلدانعان بولاتىن.

Abai.kz