جەەنبەكوۆ قىرعىزستان مەن قازاقستان دەماركاتسيالاۋ جونىندەگى كەلىسىمگە قول قويىپ، شەكارا ماسەلەسىنە زاڭدى تۇردە نۇكتە قويىلدى دەپ مالىمدەدى. ونىڭ سوزدەرىنشە، ەكى ەل اراسىنداعى شەكارا ءوزارا ءتيىمدى ىنتىماقتاستىق پەن سەنىم قاقپاسى بولادى.

«ءبىزدىڭ ارامىزدا جاتقان شەكارا تەك فورمالدى بولۋى ءتيىس، ال ءبىزدىڭ حالىق ەش كەدەرگىسىز ءوتۋى ءتيىس. ءبىز شىن مانىندە باۋىرلاس حالىقپىز. قازاق پەن قىرعىزدان اسقان تۋعان ءارى جاقىن حالىق جوق»، - دەپ اتاپ ءوتتى جەەنبەكوۆ.

قىرعىز پرەزيدەنتى نازارباەۆتى رەسمي ساپارمەن ەلىنە كەلۋگە ءارى، كوشپەندىلەردىڭ بۇكىلالەمدىك III ويىنىنا شاقىرعان.

نازارباەۆ سوزىندە «شەشىمى تابىلمايتىن ماسەلە جوق» دەگەن. ونىڭ سوزدەرىنشە، ەكى ەل 2020 جىلعا قاراي ساۋدا اينالىمىن 1 ملرد دوللارعا ءوسىرۋ كەرەك.

25 جەلتوقساندا سوورونباي جەەنبەكوۆ رەسمي ساپارمەن استاناعا باردى. 26 جەلتوقساندا ول جۇمىس ساپارىمەن ماسكەۋگە - تمد مەملەكەت باسشىلارىنىڭ بيرەسمي كەزدەسۋىنە قاتىسۋعا ۇشىپ كەتەدى.

Abai.kz