سالماقتى ساراپتامالار مەن باي مازمۇندى قامتىعان  رەسپۋبليكالىق باسىلىمنىڭ ءسۇيىنشى داناسى الدىمەن وبلىستىق وڭىرلىك كوممۋنيكاتسيالار قىزمەتى الاڭىندا تانىستىرىلدى.

جاڭا باسىلىم ۇلتتىق قۇندىلىقتارىمىزدى دارىپتەۋگە، مادەنيەتىمىزدى، ادەبيەتىمىز  ءدى زەرتتەۋگە، زەردەلەپ جاريا ەتۋگە مول مۇمكىندىك جاساۋ باعىتىن ۇستانادى. جۋرنالدا اقپاراتتىق ماتەريالدار مەن كۇندەلىكتى حابارلامالار باسىلمايدى، تيىسىنشە، رۋحانيات پەن تاريحقا قاتىستى قۇندى، ۇرپاققا وي سالار تىڭ ساراپتامالار قامتىلماق.

«تاريحىمىزدى تارازىلاپ، ءتول مادەنيەتىمىزدى قايتا جاڭعىرتۋعا تىڭ سەرپىن بەرگەن ەلباسىمىزدىڭ «بولاشاققا باعدار:رۋحاني جاڭعىرۋ» ماقالاسى نەگىزىندە جاڭا باسىلىم – جاڭا يدەيامەن جارىققا شىقتى. مەملەكەتىمىزدىڭ جاڭعىرۋ جولىنداعى جەتىستىكتەرى مەن جەڭىستەرىن، ەڭبەككە ۇلگى بولعان جانداردىڭ ۇستانىمدارى، كونە كورىكتى قالالارىمىز بەن تاريحي ەسكەرتكىشتەرىمىز، مادەني مۇرالارىمىز جايلى جان-جاقتى ماعلۇمات الا الاسىزدار»، – دەدى «رۋحاني جاڭعىرۋ» جۋرنالىنىڭ باس رەداكتورى  باحتيار قاباسوۆ.

سونىمەن قاتار «100 جاڭا ەسىم»، «قاسيەتتى قازاقستان»، «تۋعان جەر»، «100 جاڭا وقۋلىق» جوبالارىنىڭ كەيىپكەرلەرى وسى باسىلىم ارقىلى جاساپ جاتقان ءىس-تاجىريبەلەرىن حالىقپەن بولىسە الادى.

ايتا كەتەيىك، «رۋحاني جاڭعىرۋ» جۋرنالىنىڭ رەداكتسياسى تالعار اۋدانىندا ورنالاسقان.

Abai.kz