تاجىكستان باس پروكۋراتۋراسىنىڭ جاۋاپتى قىزمەتكەرى فيرداۆس راحيمزود 8 قاڭتاردا امونۋللو حۋكۋموۆتىڭ چەحيادان جىلجىمايتىن مۇلىك العانىن جەمقورلىق جانە ۇيىمداسقان قىلمىستى زەرتتەۋ جونىندەگى ورتالىق (OCCRP — the Organized Crime and Corruption Reporting Project) زەرتتەۋىنەن بىلگەنىن ايتتى. «بىزگە بۇعان قاتىستى ەشكىم رەسمي ءوتىنىش جاساعان جوق. ءبىز جۋرناليستىك زەرتتەۋمەن تانىستىق، بىراق دەرەكتەردىڭ قانشالىقتى ناقتى ەكەنىن بىلمەيمىز»، - دەدى ول.

ونىڭ ايىتۋىنشا، بۇعان قاتىستى تەرگەۋ جۇرگىزۋ جوسپاردا جوق. "باسشىلىق وسىنداي تەرگەۋ تۋرالى حابارلايتىن بولسا، وندا ءبىز اقپارات قۇرالدارىن حاباردار ەتەمىز", - دەدى فيرداۆس راحيمزود.

تاجىكستاننىڭ جەمقورلىقپەن كۇرەس جانە قارجى باقىلاۋى جونىندەگى اگەنتتىگى دە OCCRP زەرتتەۋىمەن تانىسقان، بىراق تەرگەۋ جۇرگىزبەگەن.

"تاجىك تەمىر جولى" مەملەكەتتىك مەكەمەسىن مۇنداي اقپارات قىزىقتىرمايدى. كومپانيانىڭ جاۋاپتى قىزمەتكەرىنىڭ ءبىرى بۇرىنعى باسشىنىڭ بايلىقتى قالاي جيناعانى "كاسىپورىندى قىزىقتىرمايدى".

OCCRP بايانداماسىنا قاراعاندا، امونۋللو حۋكۋموۆتىڭ ايەلى مەن بالاسى چەحيانىڭ كۋرورتتى مەكەندەرىندە التى جىلجىمايتىن مۇلىككە يەلىك ەتەدى. 2012 جىلدىڭ جەلتوقسانىنان باستاپ حۋكۋموۆتار 10,6 ملن دوللاردى ەكى ءۇي جانە ءتورت عيماراتقا جۇمساعان. حۋكۋموۆتاردىڭ ماسكەۋدە 1,1 ملن دوللار تۇراتىن پاتەرى بار.

66 جاستاعى امونۋللو حۋكۋموۆ تاجىكستان تەمىر جولىنىڭ باسشىسى قىزمەتىنەن 2014 جىلى اقپاندا كەتتى.

Abai.kz