استانا. 29 جەلتوقسان. قازتاگ – ايگۇل تۇلەكباەۆا. سارسەنبى كۇنگى پارلامەنت ءماجىلىسىنىڭ القا وتىرىسىنىڭ كۇن تارتىبىندە ءبىرىنشى پۋنكت بولىپ قر پارلامەنتىنىڭ دەپۋتاتتارىنىڭ «قر كونستيتۋتسياسىنا وزگەرتۋلەر مەن تۇزەتۋلەر ەنگىزۋ جونىندەگى ماسەلە بويىنشا قر پرەزيدەنتىمەن رەسپۋبليكالىق رەفەرەندۋم تاعايىنداۋ تۋرالى» ۇسىنىسى تۋرالى ماسەلە تۇر، دەپ حابارلادى قازتاگ ءتىلشىسى.

اتالعان ماسەلە بويىنشا پارلامەنت ءماجىلىسىنىڭ سپيكەرى ورال مۇحامەدجانوۆ ءسوز سويلەيدى.

بۇرىن حابارلانعانداي، 27-ءشى جەلتوقساندا قر ورتالىق سايلاۋ كوميسسياسى رەسپۋبليكالىق رەفەرەندۋم وتكىزۋ بويىنشا باستاماشىل توپ پەن، سونداي-اق ونىڭ ۇسىنىپ وتىرعان – پرەزيدەنت ۋاكىلەتتىگىن 2020-شى جىلدىڭ سوڭىنا دەيىن ۇزارتۋ تۋرالى ماسەلەسىن تىركەۋدەن وتكىزدى.

كونستيتۋتسيالىق «رەسپۋبليكالىق رەفەرەندۋم تۋرالى» زاڭ بويىنشا، باستاماشىل توپ وسك-دەن تىركەۋدەن ءوتۋ پروتسەدۋراسىنان سوڭ، رەسپۋبليكالىق رەفەرەندۋمعا قاتىسۋ قۇقىعى بار رەسپۋبليكا ازاماتتارىنان 200 مىڭ قول جيناۋى ءتيىس. زاڭدا كورسەتىلگەندەي، رەفەرەندۋموتكىزۋ تۋرالى ۇسىنىس قول جيناۋ ناتيجەلەرى تۋرالى قورىتىندى حاتتامامەن بىرگە مەملەكەت باسشىسىنا جولدانادى.

كونستيتۋتسيالىق زاڭنىڭ 17 بابىنا سايكەس، رەسپۋبليكالىق رەفەرەندۋم بەلگىلەۋ تۋرالى باستاما بويىنشا شەشىمدى قازاقستان پرەزيدەنتى قابىلدايدى.

سونداي-اق، پرەزيدەنت بۇل ۇسىنىستى كەرى قايتارۋى دا مۇمكىن،

وڭ شەشىم قابىلدانعان جاعدايدا قر كونستيتۋتسياسىنا سايكەس تۇزەتۋلەر ەنگىزىلەدى. پارلامەنت باسىم داۋىسپەن ء(ار پالاتا دەپۋتاتتارىنىڭ جالپى سانىنىڭ بەستەن ءتورت بولىگىنەن كەم ەمەس) كونستيتۋتسياعا وسى وزگەرتۋلەر مەن تولىقتىرۋلاردى ەنگىزۋ تۋرالى زاڭدى قابىلداۋعا ءتيىس. بۇل جاعدايدا رەسپۋبليكا پرەزيدەنتى زاڭعا قول قويىپ، ونى رەسپۋبليكالىق رەفەرەندۋمعا شىعارادى.

رەسپۋبليكالىق رەفەرەندۋمتۋرالى شەشىمدى پرەزيدەنت ءتيىستى جارلىق شىعارۋ ارقىلى قابىلدايدى، وندا تالقىلاۋعا ۇسىنىلاتىن ماسەلەنىڭ مەرزىمى مەن تۇجىرىمداماسى بەلگىلەنەدى. ايرىقشا جاعدايلاردا پرەزيدەنت رەفەرەندۋم وتكىزۋدىڭ باسقا مەرزىمدەرىن بەلگىلەۋگە قۇقىلى.

اتالعان زاڭ بويىنشا، رەفەرەندۋم ونى تاعايىنداۋ تۋرالى شەشىم قابىلدانعان كۇننەن ءبىر اي ەرتە جانە ءۇش اي كەش ەمەس مەرزىمدە وتكىزىلەدى.

باستاماشىل توپ بۇرىن جاريالاعانداي رەفەرەندۋم 2011-ءشى جىلدىڭ ناۋرىزىندا ءوتۋى مۇمكىن.

پرەزيدەنتتىك كەزەكتى سايلاۋ 2012-ءشى جىلعا دەپ تاعايىندالعان.