استانا. 7 قاڭتار. قازتاگ - قۇرامىندا قر تۋريزم جانە سپورت ءمينيسترى تەمىرحان دوسمۇحامبەتوۆ، استانا جانە الماتى اكىمدەرى يمانعالي تاسماعامبەتوۆ پەن احمەتجان ەسىموۆ جانە باسقا دا رەسمي تۇلعالار بار قازاقستاندىق دەلەگاتسيا دۇيسەنبى كۇنى، 10-شى قاڭتاردا، كۋۆەيتكە اتتانادى. وندا 7-ءشى قىسقا ازيا ويىندارىنىڭ الاۋىن تۇتاندىرۋ ءراسىمى وتەدى، دەپ الاۋ ەستافەتاسىنىڭ ديرەكتسيا ءباسپاسوز قىزمەتىنەن حابارلادى.

الاۋدى تۇتاندىرۋ ءراسىمى 11-ءشى قاڭتاردا  ەل-كۋۆەيت قالاسىنىڭ ەڭ باستى كورىكتى جەرى - «كۋۆەيت-تاۋەرستىڭ» بوكتەرىندە وتەدى.

«الاۋدى ءبىرىنشى بولىپ ازيا وليمپيادالىق كەڭەس پرەزيدەنتى، شەيح احماد ال-فاحاد ال-ساباح الىپ، مينيستر تەمىرحان دوسمۇحامبەتوۆكە تابىس ەتەدى دەپ كۇتىلۋدە. ودان سوڭ ەل-كۋۆەيت كوشەلەرىمەن جۇرەتىن شاعىن ەستافەتادا الاۋدى ازيالىق قۇرىلىقتىڭ ءىرى سپورت دەرجاۆالارى - قىتاي، جاپونيا، كورەيا جانە قازاقستان وكىلدەرى الىپ وتەدى»، - دەپ حابارلايدى ءباسپاسوز قىزمەتىنەن.

اقپاراتتىق باياندا ايتىلۋىنا قاراعاندا، وسى راسىمدەر وتەتىن الاڭ شىعاناققا قاراعان شاعىن ۋچاسكەدە ورنالاسقان. وسى جەردەن الاۋ الىپ جۇرۋشىلەر الاۋدى مۇنارالارعا، ودان سوڭ اۋەجايعا جەتكىزەدى. ودان كەيىن الاۋ چارتەرلىك رەيسپەن ارنايى تاسىمالداعىش قۇتىمەن الماتىعا جەتكىزىلەدى. وسى جەردەن الاۋ ەلىمىزدى «ارالاپ» كەتەدى.

استانا. 7 قاڭتار. قازتاگ - قۇرامىندا قر تۋريزم جانە سپورت ءمينيسترى تەمىرحان دوسمۇحامبەتوۆ، استانا جانە الماتى اكىمدەرى يمانعالي تاسماعامبەتوۆ پەن احمەتجان ەسىموۆ جانە باسقا دا رەسمي تۇلعالار بار قازاقستاندىق دەلەگاتسيا دۇيسەنبى كۇنى، 10-شى قاڭتاردا، كۋۆەيتكە اتتانادى. وندا 7-ءشى قىسقا ازيا ويىندارىنىڭ الاۋىن تۇتاندىرۋ ءراسىمى وتەدى، دەپ الاۋ ەستافەتاسىنىڭ ديرەكتسيا ءباسپاسوز قىزمەتىنەن حابارلادى.

الاۋدى تۇتاندىرۋ ءراسىمى 11-ءشى قاڭتاردا  ەل-كۋۆەيت قالاسىنىڭ ەڭ باستى كورىكتى جەرى - «كۋۆەيت-تاۋەرستىڭ» بوكتەرىندە وتەدى.

«الاۋدى ءبىرىنشى بولىپ ازيا وليمپيادالىق كەڭەس پرەزيدەنتى، شەيح احماد ال-فاحاد ال-ساباح الىپ، مينيستر تەمىرحان دوسمۇحامبەتوۆكە تابىس ەتەدى دەپ كۇتىلۋدە. ودان سوڭ ەل-كۋۆەيت كوشەلەرىمەن جۇرەتىن شاعىن ەستافەتادا الاۋدى ازيالىق قۇرىلىقتىڭ ءىرى سپورت دەرجاۆالارى - قىتاي، جاپونيا، كورەيا جانە قازاقستان وكىلدەرى الىپ وتەدى»، - دەپ حابارلايدى ءباسپاسوز قىزمەتىنەن.

اقپاراتتىق باياندا ايتىلۋىنا قاراعاندا، وسى راسىمدەر وتەتىن الاڭ شىعاناققا قاراعان شاعىن ۋچاسكەدە ورنالاسقان. وسى جەردەن الاۋ الىپ جۇرۋشىلەر الاۋدى مۇنارالارعا، ودان سوڭ اۋەجايعا جەتكىزەدى. ودان كەيىن الاۋ چارتەرلىك رەيسپەن ارنايى تاسىمالداعىش قۇتىمەن الماتىعا جەتكىزىلەدى. وسى جەردەن الاۋ ەلىمىزدى «ارالاپ» كەتەدى.

كۋۆەيت الاۋ تۇتاندىرارلىق ورىن رەتىندە كەزدەيسوق تاڭدالعان جوق، دەيدى ءباسپاسوز قىزمەتىنەن. «ازيانىڭ وليمپيادالىق كەڭەسىنىڭ شتاب پاتەرى ءدال وسى جەردە ورنالاسقان. بۇرىندارى ازيا ويىندارىندا  الاۋدى سول ويىندار وتكىزىپ وتىرعان ەلدە تۇتاندىرۋ ءداستۇرى بولعان. باسپاتقىدا وسىعان ۇقساس بىرنەشە ۇسىنىستار ايتىلدى. مىسالى، الاۋدى تۇتاندىرۋ ءراسىمىن قازاقستاننىڭ ەڭ بيىك نۇكتەسىندە وتكىزۋ. بىراق ول العاشقى وليمپيادالىق ءداستۇر - الاۋدى وليمپيادالىق قوزعالىس وتانىندا - گرەكيادا جاعۋ داستۇرىنەن وزگەشەلەۋ بولدى. قازاقستاننىڭ ۇيىمداستىرۋ كوميتەتى جاڭا ءداستۇردى باستاۋدى ۇسىندى. ولار ازيادا الاۋىن كەزىندە وسى ويىندار پايدا بولعان جەردەن، ياعني كۋۆەيتتەن باستاۋ ءداستۇرىن ۇسىندى»، - دەلىنگەن حاباردا.