تاجىكستان پارلامەنتى پرەزيدەنت سايلاۋى تۋرالى زاڭعا تۇزەتۋلەردى ماقۇلدادى
تاجىكستان پارلامەنتىنىڭ تومەنگى پالاتاسى سارسەنبى كۇنى "پرەزيدەنتتىك سايلاۋ تۋرالى" زاڭعا تۇزەتۋلەردى ماقۇلدادى. قۇجات پرەزيدەنتتىك سايلاۋعا ۇمىتكەرلەردىڭ جاس شەكتەۋىن 35-تەن 30 جاسقا قىسقارتۋدى قاراستىرادى.
زاڭدارعا تۇزەتۋلەر بويىنشا، قازىرگى مەملەكەت باسشىسى، ۇلت ليدەرى ەمومالي راحمون پرەزيدەنتتىككە شەكتەۋسىز مارتە تۇسە الادى. بۇعان قوسا، ەل پرەزيدەنتى مەن پارلامەنت دەپۋتاتى قىزمەتتەرىنە 30 جاسقا تولعان تاجىكستان ازاماتى سايلانا الادى.
2016 جىلى 22 مامىردا تاجىكستاندا كونستيتۋتسياعا تۇزەتۋلەر مەن وزگەرتۋلەر جونىندە رەفەرەندۋم ءوتتى. قابىلدانعان قۇجات ەمومالي راحمونعا پرەزيدەنتتىگىن شەكسىز مارتە ۇزارتۋعا مۇمكىندىك بەرسە، ونىڭ 31 جاستاعى ۇلى رۋستامي ەمومالي پرەزيدەنتتىككە ۇمىتكەر بولا الادى.
تاجىكستاندا پرەزيدەنتتىك سايلاۋ 2020 جىلى وتەدى.
Abai.kz
