دۇيسەنبى, 25 ماۋسىم 2018
46 - ءسوز 928 3 پىكىر 10 اقپان, 2018 ساعات 15:28

رۋحتى، تەكتى، باتىر قازاق بۇگىندە كۇن كورىستىڭ قامىمەن ءجۇر

ەلىمىزدەگى ءبىراز اۋىلداردى ارالادىم. كوپتەگەن اۋىلداردىڭ پروبلەمالارى ۇقساس. جولى ناشار، كوپتەگەن سالالارى جەمقورلىققا تولى، ءبىلىم ساپاسى، مەديتسينا، ينتەرنەت ت.ب. وسىنداي شەشىمى تابىلماعان ماسەلەلەردەن سوڭ، قازاق تۋعان جەرىن تاستاپ (كەي اۋىلدار قاڭىراپ بوس قالۋدا), قالا ماڭىن پانالاۋعا ءماجبۇر بولىپ وتىر.

قالاعا كەلگەن قازاقتى قۇشاق جايىپ قارسى الىپ جاتقانداردى دا كورىپ وتىرعانىمىز جوق (اۋىلدان كەلگەن جاستارمەن قالادا ەمەس ءبىرىنشى اۋىلدا اينالىسۋ كەرەك). اقشانى وزىنەن دە قاتتى جاقسى كورەتىن الاياقتار اۋىلدىڭ اڭقاۋ قازاعىن الداپ سوعۋدا. رۋحتى، تەكتى، باتىر قازاق بۇگىندە كۇن كورىستىڭ قامىمەن ءجۇر. وسىلاردى كورىپ وتىرعان اتقامىنەر اعالار تەز ارادا اۋىلدارعا كوڭىل ءبولۋدى ءبىرىنشى ورىنعا قويۋى قاجەت.

ول ءۇشىن قالالارعا ءبولىنىپ جاتقان قىرۋار قارجىنىڭ ءبىر بولىگىن اۋىلدارعا جۇمساۋ كەرەك. مىسالى: جاستار ساياساتى ماسەلەلەرى جونىندەگى باسقارماعا كوپ قاراجاتتىڭ قاجەتى جوق. كونتسەرتتى مادەنيەت باسقارماسى ۇيىمداستىرسىن، ساياساتتى ىشكى ساياسات باسقارماسىنا بەرسىن، ماسسوۆكانى ۋنيۆەرسيتەتتەر مەن كوللەدجدەر ۇيىمداستىرا الادى.

قورىتا ايتساق، تالاي تاۋقىمەتتى باسىنان وتكەرگەن قازاق بۇل سىننان دا وتەتىنى انىق. ەرتەرەك ءوتۋ ءۇشىن ناقتى جۇمىستارمەن تەزدەتىپ اينالىسۋ كەرەك.

بەرىك اعىباەۆ

Facebook-تەگى پاراقشاسىنان

3 پىكىر