دۇيسەنبى, 25 ماۋسىم 2018
506 2 پىكىر 12 اقپان, 2018 ساعات 08:54

بۇۇ: اقپان ايىنان بەرى سيريادا مىڭنان استام بەيبىت تۇرعىن قازا تاپتى

اقپان ايىنان بەرى سيريادا بولىپ جاتقان اۋە سوققىلاردان مىڭنان استام بەيبىت تۇرعىن قازا تاپتى. بۇل جونىندە بۇۇ بايانداماسىندا ايتىلعان. سوڭعى اپتاداعى بومبالاۋدان ءۇش ءجۇز ادام قۇربان بولعان. اۋە سوققىنىڭ دەنىن رەسەي قولداۋ كورسەتىپ وتىرعان سيريا ۇكىمەتى جاساعان.

بۇۇ-نىڭ ادام قۇقىقتارى جونىندەگى كەڭەسىنىڭ بايانداماسىندا مۇنى سيرياداعى سوعىستىڭ وتە اۋىر كەزەڭدەرى دەپ، حالقىنىڭ التى جىل بويىندا قاسىرەت كورىپ وتىرعانىن اتاپ وتكەن. "تەك عانا اقپان ايىنىڭ ءبىرىنشى اپتاسىندا اۋە سوققىدان مىڭنان استام ادام قازا تاپتى", – دەلىنگەن باياندامادا.

بۇۇ باس حاتشىسى انتونيو گۋتەرريش يزرايل بۇل ەلگە اۋەدەن بومبا لاقتىرعاننان كەيىن، سيريانى شۇعىل دەەسكالاتسيالاۋعا شاقىرعان. 10 اقپاندا باس حاتشىنىڭ ءباسپاسوز حاتشىسى ستەفان ديۋجارريك "گۋتەرريش سيريادا بولىپ جاتقان جاعدايداردىڭ ءبارىن ءجىتى باقىلاپ وتىر" دەپ مالىمدەدى.

ديۋجارريك بۇۇ باس حاتشىسى اتىنان سيريادا بارلىق تاراپتار حالىقارالىق قۇقىقتاردى قاتاڭ ساقتاۋى ءتيىس دەپ اتاپ ءوتتى.

Abai.kz

2 پىكىر