اپاتقا ۇشىراعان ان-148 ۇشاعىندا ءۇش بالا بولعان
ۇشاق اپاتىنان قازا تاپقان 71 ادامنىڭ ىشىندە ەكيپاجدىڭ التى مۇشەسى جانە ءۇش بالا بولعان. الدىن الا مالىمەت بويىنشا، بالالاردىڭ ۇلكەنى 17 جاستا، ەكىنشىسى – 13 جاستا، ءۇشىنشىسى – بەس جاستا بولعان. ورىنبور وبلىسى بيلىگى 12 اقپاندى ازا تۇتۋ كۇنى دەپ جاريالادى.
رەسەيدىڭ تەرگەۋ كوميتەتىنىڭ توراعاسى الەكساندر باسترىكين ماسكەۋ تۇبىندە بولعان ۇشاق اپاتىن تەرگەۋدى اسا ماڭىزدى ىستەر جونىندەگى باسقارماعا تاپسىرعان.
ان-148 جولاۋشى ۇشاعىندا 71 ادام بولعان. ۇشاق وتكەن جەكسەنبى كۇنى دومودەدوۆو اۋەجايىنان ورسك باعىتىنا ۇشىپ شىققاننان كەيىن، بىرنەشە مينوتتەن سوڭ ماسكەۋ تۇبىندەگى رامەنسك اۋدانىندا اپاتقا ۇشىراعان.
رەسەي باس پروكۋراتۋراسى ۇشاق تيەسىلى بولعان "ساراتوۆ اۋە جولدارى كومپانياسىن تەكسەرىپ جاتىر.
Abai.kz
