نيدەرلاند ءسىم "پۋتين جايىندا جالعان سويلەدىم" دەپ وتستاۆكاعا كەتتى
نيدەرلاند سىرتقى ىستەر ءمينيسترى حالبە زەيلسترا وتستاۆكاعا كەتتى. ول جاقىندا رەسەي پرەزيدەنتى ۆلاديمير پۋتينمەن 2006 جىلى كەزدەسكەنى جونىندە وتىرىك ايتقانىن مويىندادى. ول بۇل ءوزىنىڭ ابىرويىنا قاتتى نۇقسان كەلگەنىن، ەندى قىزمەتىن ءارى قاراي جالعاستىرا المايتىنىن مالىمدەدى.
وسىنىڭ الدىندا نيدەرلاند سىرتقى ىستەر ءمينيسترى De Volkskrant گازەتىنە بەرگەن سۇقباتىندا پۋتينمەن 2006 جىلى ەشقاشان كەزدەسپەگەنىن مالىمدەگەن. ول سونىمەن بىرگە رەسەي پرەزيدەنتىنەن "ۇلى رەسەي" قۇرامىندا ۋكراينا، بەلورۋسسيا، قازاقستان جانە بالتىق ەلدەرى بولۋ كەرەك دەگەن سوزدەردى ەشقاشان ەستىمەگەنىن دە ايتقان.
13 اقپان كۇنى تاڭەرتەڭ تاسس اگەنتتىگى رەسەي سىرتقى ىستەر ءمينيسترى سەرگەي لاۆروۆ نيدەرلاند ءسىم باسشىسىمەن 14 اقپاندا ماسكەۋدە كەزدەسۋدى جوسپارلاپ وتىر دەپ حابارلادى.
Abai.kz
