Haaretz باسىلىمىنىڭ حابارلاۋىنشا، جۇرگىزىلگەن ەكى تەرگەۋ بارىسىندا قۇقىق قورعاۋ ورگاندارى نەتانياحۋ بيزنەسمەنگە قامقورلىق تانىتقانى ءۇشىن ودان ءبىر ميلليون شەكەلگە (283 مىڭ اقش دوللارى كولەمىندە) تەڭ سىياقى العان دەگەن قورىتىندى جاساعان.

پوليتسيانىڭ بولجامىنشا، نەتانياحۋ سونىمەن قاتار «ەديوت احرونوت» گازەتىنىڭ شىعارۋشىسى ارنون موزەسپەن كەلىسىم جاساسپاق بولعان. پرەمەر باسىلىمعا ءوزى تۋرالى «جاعىمدى» ماتەريالدار جاريالاعانى ءۇشىن ونىڭ نەگىزگى باسەكەلەسى، يزرايلدىك «يسراەل حايوم» گازەتىمەن كۇرەسىنە كومەكتەسۋدى ۇسىنعان.

بينيامين نەتانياحۋدىڭ ءوزى بىرەر كۇن بۇرىن يزرايل ازاماتتارىنا ۇندەۋىندە زاڭعا قايشى ەشنارسە جاساماعانىن مالىمدەگەن.

بىلتىر جەلتوقساننىڭ باسىندا تەل-اۆيۆتە 20 مىڭعا تارتا ادام سىبايلاس جەمقورلىققا قارسى دەمونستراتسياعا شىققان. دەمونسترانتتار زاڭ «نەتانياحۋدى قۋدالاۋدان قورعايدى» دەپ، وعان كوڭىلدەرى تولمايتىنىن مالىمدەگەن. يزرايل زاڭى بويىنشا، پوليتسيا مەملەكەتتىك لاۋازىمدى تۇلعالارعا قاتىستى ىستەردى تەرگەۋ قورىتىندىسىن جاريالاي المايدى، تەك پروكۋراتۋراعا ۇسىنىس بىلدىرە الادى. مۇنداي تەرگەۋ بويىنشا سوڭعى شەشىمدى باس پروكۋرور عانا ايتادى.

يزرايل ىشكى ىستەر ءمينيسترى ايەلە شاكەد قىلمىس جاسادى دەگەن كۇدىككە ىلىنگەن پرەمەر-مينيستر بينيامين نەتانياحۋدىڭ قىزمەتتەن كەتۋگە مىندەتتى ەمەسىن ايتتى. 68 جاستاعى نەتانياحۋ وسىمەن ەكىنشى مارتە پرەمەر قىزمەتىن اتقارىپ وتىر.

Abai.kz