وزبەكستاندا دياگنوستيكا ورتالىعىنىڭ باس دارىگەرى مەكەمە عيماراتىن تارتىپ العان كۇنى قايتىس بولدى
وزبەكستاننىڭ قاشقاداريا وبلىسىنداعى دياگنوستيكا ورتالىعىندا 32 جىل باس دارىگەر بولىپ ىستەگەن حاسان سايفيەۆ 4 اقپاندا - مەكەمە عيماراتىن تارتىپ العان كۇنى جۇرەك اۋرۋىنان قايتىس بولدى. 30-عا جۋىق دارىگەر مەن مەدبيكە وبلىس اكىمدىگى عيماراتى الدىندا نارازىلىق اكتسياسىن وتكىزدى.
دارىگەرلەردىڭ ءبىرىنىڭ ايتۋىنشا، دياگنوستيكا ورتالىعىنىڭ ەكى عيماراتىنىڭ ءبىرىن تەز ارادا بوساتۋ قاجەتتىگىن وتە كەش حابارلاعان.
"4 اقپاندا وبلىس باسشىسىنىڭ شەشىمىنە سۇيەنگەندەر بىزدەن ءتورت قاباتتى ورتالىق عيماراتىن تەز ارادا بوساتۋدى تالاپ ەتتى. ءبىزدىڭ ورنىمىزعا قالالىق اۋرۋحانا مەن №2 ەمحانا قىزمەتكەرلەرى كەلەتىنىن ايتتى. ءتۇن جارىمىنا دەيىن ءبىز عيماراتتاعى قۇرال-جابدىقتار مەن اپپاراتۋرالاردى تاسىدىق", - دەدى دياگنوستيكا ورتالىعىنىڭ ءبىر دارىگەرى.
ونىڭ ايتۋىنشا، سول كۇنى كەشكە باس دارىگەر حاسان سايفيەۆتىڭ جۇرەگى ۇستاپ قالعان. باس دارىگەر جۇمىس باسىندا قايتىس بولعان.
Abai.kz
