سىيلىق «ۇلت كوشباسشىسى – بەيبىتشىلىك پەن كەلىسىم نەگىزىن سالۋشى تۋرالى» زاڭنىڭ نەگىزىندە تاعايىندالعان. بۇل زاڭ بويىنشا، اتالعان سىيلىقپەن قاتار «ۇلت كوشباسشىسى» وردەنىن بەلگىلەۋگە، ۇلت كوشباسشىسىنىڭ مۇراجايىن، كىتاپحاناسى مەن مۇراعاتىن قۇرۋعا مۇمكىندىك بار.

سىيلىق يەگەرىنە توسبەلگى مەن 125 مىڭ سوموني (14 مىڭ دوللاردان استام) كولەمىندە اقشالاي جۇلدە بەرىلەدى. توسبەلگىدە ەمومالي راحموننىڭ التىن جالاتىلعان بەدەرلى بەينەسى سالىنادى.

تاجىكستاندى شيرەك عاسىر بويى باسقارىپ كەلە جاتقان ەمومالي راحمونعا 2015 جىلى پارلامەنت ۇلت كوشباسشىسى دەگەن مارتەبە بەرگەن.

2016 جىلى تاجىكستاندا كونستيتۋتسياعا راحمونعا پرەزيدەنت سايلاۋىنا تاعى دا تۇسۋىنە ەرەكشە قۇقىق بەرەتىن تۇزەتۋلەر ەنگىزىلگەن.

تاجىك بيلىگىنىڭ ساياساتى راحموندى تاجىكستاندى تاۋەلسىزدىك العان سوڭ باستالعان بەس جىلدىق ازامات سوعىسىندا بەيبىتشىلىككە جەتكىزگەن قۇتقارۋشى سيپاتىندا ناسيحاتتايدى. بىراق راحمون بيلىگىن سىنايتىندار ونىڭ رەجيمىن ادام قۇقىعىن ۇنەمى بۇزادى دەپ ايىپتايدى.

Abai.kz