بەيسەنبى, 28 ناۋرىز 2024
2582 0 پىكىر 19 اقپان, 2018 ساعات 08:31

تاجىكستاندا پرەزيدەنت جولداۋىن تىڭداماعانى ءۇشىن جۇمىستان قۋىلعان مۇعالىمدى قايتاردى

تاجىكستانداعى حورەوگرافيالىق ۋچيليششەنىڭ ديرەكتورى مادەنيەت قىزمەتكەرلەرى جونىندەگى كاسىپوداق فەدەراتسياسىنىڭ شەشىمىنەن كەيىن، بي ءدارىسىنىڭ مۇعالىمى سايدا رۋستاموۆانى جۇمىسقا قايتا الۋ جونىندە بۇيرىق شىعاردى.

ونى ءماجىلىس زالىندا پرەزيدەنت ەمومالي راحموننىڭ جىل سايىنعى جولداۋىنىڭ كورسەتىلىمىندە بولماعانى ءۇشىن جۇمىستان شىعارعان.

فەدەراتسيا قىزمەتكەرى مۋحامماد كۋربونوۆ ازاتتىقتىڭ تاجىك قىزمەتىنە ماليكا سوبيروۆاعا قاتىستى زاڭسىز بۇيرىقتىڭ كۇشى جويىلدى، 15 قاڭتاردان بەرى جۇمىسسىز قالعانى ءۇشىن وعان اقشالاي وتەماقى تولەنەدى دەدى.

ۋچيليششە ديرەكتورى كەندجا يبروحيموۆ تە جۇمىستان شىعارىلعان مۇعالىمگە قاتىستى ورتاق شەشىمگە كەلدىك دەدى. بىراق ونىڭ ايتۋىنشا، بي ءدارىسىنىڭ مۇعالىمىن جۇمىسىنان ولقىلىقتارى ءۇشىن شەتتەتكەن.

سايدا رۋستاموۆانىڭ ءوزى بۇيرىقتا "ۇلت ليدەرىنىڭ جولداۋىن ءماجىلىس زالىندا وتىرىپ تىڭداماعانى ءۇشىن جۇمىستان شىعارىلسىن" دەپ جازىلعان دەيدى.

تاجىكستان پرەزيدەنتى ەمومالي راحمون 2017 جىلدىڭ 22 جەلتوقسانىندا پارلامەنتتە جىل سايىنعى جولداۋىن جاريالاعان. ەلدەگى بارلىق تەلە-راديو كانالدار ونى تىكەلەي ەفيردەن كورسەتتى. جولداۋدى بارلىق مەملەكەتتىك مەكەمە قىزمەتكەرلەرىنە، مۇعالىمدەرگە ستۋدەنتتەر مەن جوعارى سىنىپ وقۋشىلارىنا كورۋدى مىندەتتەگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530