استانا. 13 قاڭتار. قازتاگ  ورتالىق سايلاۋ كوميسسياسى (وسك) ازاماتتاردىڭ قولدارى قويىلعان رەسپۋبليكالىق رەفەرەندۋم وتكىزۋ تۋرالى ۇسىنىسىن پرەزيدەنت نۇرسۇلتان نازارباەۆقا جولدادى، دەپ وسك حابارلادى.

«قازاقستان رەسپۋبليكاسىنىڭ «رەسپۋبليكالىق رەفەرەندۋم تۋرالى» كونستيتۋتسيالىق زاڭىنىڭ 16-بابىنا سايكەس (...) قر ورتالىق سايلاۋ كوميسسياسى قاۋلى ەتەدى:

1. قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار، رەسپۋبليكالىق رەفەرەندۋم تاعايىنداۋ تۋرالى باستاماشىلىق بىلدىرگەن ازاماتتارى قولدارىنىڭ راستىعىن تەكسەرۋ ناتيجەلەرى تۋرالى قازاقستان رەسپۋبليكاسى ورتالىق سايلاۋ كوميسسياسىنىڭ قورىتىندى حاتتاماسى (بۇدان ءارى  قورىتىندى حاتتاما) بەكىتىلسىن.
2. «ءسىز رەسپۋبليكالىق رەفەرەندۋمدا قازاقستان رەسپۋبليكاسىنىڭ پرەزيدەنتى  ەلباسى نۇرسۇلتان ءابىشۇلى نازارباەۆتىڭ پرەزيدەنتتىك وكىلەتتىكتەرى مەرزىمىن 2020 جىلعى 6 جەلتوقسانعا دەيىن ۇزارتاسىز با؟» ماسەلەسى بويىنشا رەسپۋبليكالىق رەفەرەندۋم وتكىزۋ تۋرالى ازاماتتاردىڭ ۇسىنىسى مەن قورىتىندى حاتتاما قازاقستان رەسپۋبليكاسىنىڭ پرەزيدەنتىنە جىبەرىلسىن»، - دەلىنگەن بەيسەنبى كۇنى وسك سايتىندا جاريالانعان حاباردا.

بۇرىن حابارلانعانداي، قازاقستاندا قر وسك 2010-شى جىلى 27-ءشى جەلتوقساندا تىركەگەن باستاماشىل توپ، پرەزيدەنت نۇرسۇلتان نازارباەۆتىڭ وكىلەتتىكتەرىن 2020-شى جىلعى 6-شى جەلتوقسانعا دەيىن ۇزارتۋ تۋرالى رەفەرەندۋمدى قولداۋشىلاردان قول جينادى.

استانا. 13 قاڭتار. قازتاگ  ورتالىق سايلاۋ كوميسسياسى (وسك) ازاماتتاردىڭ قولدارى قويىلعان رەسپۋبليكالىق رەفەرەندۋم وتكىزۋ تۋرالى ۇسىنىسىن پرەزيدەنت نۇرسۇلتان نازارباەۆقا جولدادى، دەپ وسك حابارلادى.

«قازاقستان رەسپۋبليكاسىنىڭ «رەسپۋبليكالىق رەفەرەندۋم تۋرالى» كونستيتۋتسيالىق زاڭىنىڭ 16-بابىنا سايكەس (...) قر ورتالىق سايلاۋ كوميسسياسى قاۋلى ەتەدى:

1. قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار، رەسپۋبليكالىق رەفەرەندۋم تاعايىنداۋ تۋرالى باستاماشىلىق بىلدىرگەن ازاماتتارى قولدارىنىڭ راستىعىن تەكسەرۋ ناتيجەلەرى تۋرالى قازاقستان رەسپۋبليكاسى ورتالىق سايلاۋ كوميسسياسىنىڭ قورىتىندى حاتتاماسى (بۇدان ءارى  قورىتىندى حاتتاما) بەكىتىلسىن.
2. «ءسىز رەسپۋبليكالىق رەفەرەندۋمدا قازاقستان رەسپۋبليكاسىنىڭ پرەزيدەنتى  ەلباسى نۇرسۇلتان ءابىشۇلى نازارباەۆتىڭ پرەزيدەنتتىك وكىلەتتىكتەرى مەرزىمىن 2020 جىلعى 6 جەلتوقسانعا دەيىن ۇزارتاسىز با؟» ماسەلەسى بويىنشا رەسپۋبليكالىق رەفەرەندۋم وتكىزۋ تۋرالى ازاماتتاردىڭ ۇسىنىسى مەن قورىتىندى حاتتاما قازاقستان رەسپۋبليكاسىنىڭ پرەزيدەنتىنە جىبەرىلسىن»، - دەلىنگەن بەيسەنبى كۇنى وسك سايتىندا جاريالانعان حاباردا.

بۇرىن حابارلانعانداي، قازاقستاندا قر وسك 2010-شى جىلى 27-ءشى جەلتوقساندا تىركەگەن باستاماشىل توپ، پرەزيدەنت نۇرسۇلتان نازارباەۆتىڭ وكىلەتتىكتەرىن 2020-شى جىلعى 6-شى جەلتوقسانعا دەيىن ۇزارتۋ تۋرالى رەفەرەندۋمدى قولداۋشىلاردان قول جينادى.

باستاماشىل توپ دۇرىستىعى راستالعان 5 016 367 قول، نەمەسە قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار ازاماتتارى جالپى سانىنىڭ 55,2 % قولىن  جيناعان. تەكسەرۋ بارىسىندا 194 مىڭ ازاماتتىڭ قولى جارامسىز دەپ تانىلدى.

وسك بەيسەنبىدە  رەفەرەندۋمدى قولداعانداردىڭ قولدارى جينالعان حاتتامالاردى تەكسەرگەن قورىتىندى ناتيجەنى بەكىتتى.

كونستيتۋتسيالىق «رەسپۋبليكالىق رەفەرەندۋم تۋرالى» زاڭنىڭ 17-ءشى بابىنا سايكەس، رەسپۋبليكالىق رەفەرەندۋم وتكىزۋ تۋرالى شەشىمدى قازاقستان پرەزيدەنتى قابىلدايدى. سونىمەن قاتار پرەزيدەنت اتالعان ۇسىنىستى قابىل الماۋى دا مۇمكىن.

ەسكە سالساق، 6-شى قاڭتاردا پرەزيدەنت پارلامەنتتىڭ وسىنداي رەفەرەندۋم وتكىزۋ تۋرالى ۇسىنىسىن قابىلدامايتىندىعى تۋرالى جارلىعىن جاريالاعان.

زاڭ بويىنشا، پارلامەنت باسىم داۋىسپەن ء(ار پالاتا دەپۋتاتتارىنىڭ جالپى سانىنىڭ كەم دەگەندە بەستەن ءتورت بولىگى) پرەزيدەنتتىڭ ۆەتوسىن ەڭسەرىپ، كونستيتۋتسياعا سايكەس وزگەرتۋلەر مەن تولىقتىرۋلار ەنگىزۋ تۋرالى زاڭ قابىلداي الادى. بۇل جاعدايدا پرەزيدەنت بۇل زاڭعا قول قويىپ، ونى رەسپۋبليكالىق رەفەرەندۋمعا شىعارادى.

پارلامەنت 14 قاڭتاردا بىرلەسكەن وتىرىسقا جينالىپ، رەفەرەندۋم تۋرالى ماسەلەنى قاراۋدى جوسپارلاپ وتىر. وندا ن. نازارباەۆ ەلىمىزدىڭ دەپۋتاتتىق كورپۋسىن كونستيتۋتسيانى وزگەرتۋدىڭ قاجەتتىگى جوقتىعىنا كوزدەرىن جەتكىزۋگە تالپىنادى دەپ كۇتىلۋدە. پرەزيدەنتتىڭ ساياسي ماسەلەلەر جونىندەگى كەڭەسشىسى ە. ەرتىسباەۆتىڭ ايتۋىنشا، پرەزيدەن 2012-ءشى جىلى وتەتىن پرەزيدەنتتىك سايلاۋعا قاتىسۋ نيەتىندە. بۇل رەتتە كەڭەسشى پارلامەنتپەن مەملەكەت باسشىسىنىڭ وكىلەتتىكتەرىن 2020-شى جىلدىڭ سوڭىنا دەيىن ۇزارتۋ جونىندە رەفەرەندۋم وتكىزۋ تۋرالى شەشىم قابىلداۋى مۇمكىندىگىن جوققا شىعارمايدى.