تاياۋدا عانا وزبەكستان پرەزيدەنتى شاۆكات ميرزياەۆ شەيحتىڭ ەسىمىن ماڭگى قالدىرۋ ءۇشىن، تاشكەنتتە جاڭادان بوي كوتەرىلىپ جاتقان مەشىتكە شەيحتىڭ اتىن بەرۋدى ۇسىنعان.

مۋحامماد سادىك مۋحامماد يۋسۋف 1952 جىلى ءاندىجان وبلىسىندا دۇنيەگە كەلگەن. ول تەك عانا وزبەكستانعا ەمەس، يسلام الەمىنە تانىمال بولعان عالىم. 1989 جىلى شەيح ورتا ازيا جانە قازاقستان مۇسىلماندارى ءدىني باسقارماسىنىڭ توراعاسى بولىپ سايلاندى. ول وسى قىزمەتتە ءجۇرىپ، يسلام ەلدەرىمەن مادەني-اعارتۋشىلىق بايلانىستى دامىتتى.

شەيح مۋحامماد سادىك الەمنىڭ ويشىلدارى مەن يسلام ۇلەمدەرى كەڭەسىنىڭ ورىنداۋشى بيۋروسىنىڭ، بۇكىلالەمدىك مۇسىلماندار وداعى ۇلەمىنىڭ، يوردانيا كورولدىك اكادەمياسىنىڭ مۇشەسى بولعان. ەگيپەتتىڭ ء"نىل لاۆرى" التىن مەدالىمەن ماراپاتتالعان. كورنەكتى عالىم ءدىني-اعارتۋشىلىق تاقىرىبىندا 100-دەن استام كىتاپ جازدى.

يسلام كاريموۆ بيلىگىمەن قارىم-قاتىناسى ناشار بولعاندىقتان ول ليۆيادا بىنەشە جىل ەميگراتسيادا تۇرعان. تەك 1999 جىلى تاشكەنتتە بولعان جارىلىستان كەيىن يسلام كاريموۆ ءمۇفتيدىڭ بەدەلىن پايدالانىپ، ونى ەلگە شاقىردى.

شەيح مۋحامماد سادىك مۋحامماد يۋسۋف 2015 جىلدىڭ 10 ناۋرىزىندا تاشكەنتتە قايتىس بولدى. ونى جەرلەۋ راسىمىنە 200 مىڭنان استام ادام جينالعان.

Abai.kz