قوبدا اۋدانى ءاليا اۋىلىنداعى تاعى ءبىر اتا-اناعا بەس ايلىق ەسەپتىك كورسەتكىش كولەمىندە (12 مىڭ تەڭگە) ايىپپۇل سالىنعان. بۇل جونىندە اۋداندىق ءبىلىم بەرۋ ءبولىمىنىڭ مەڭگەرۋشىسى نۇرلىباي ايجارىقوۆ مالىمدەدى.

"قوبدا اۋدانىنداعى ءاليا مەكتەبىنىڭ 6 جانە 8-سىنىبىندا وقيتىن ەكى وقۋشى ءۇشىنشى توقسان باستالعالى ساباققا كەلمەدى. ەكەۋى ءبىر ءۇيدىڭ بالالارى. بۇل وقۋشىلاردىڭ اتا-اناسىمەن بىرنەشە مارتە كەزدەسكەنىمىز، ەسكەرتۋ جاساعانىمىز تۋرالى جانە باسقا دا قۇجاتتاردى اقتوبە وبلىسىنىڭ ءبىلىم سالاسىنداعى باقىلاۋ دەپارتامەنتىنە جولدادىق. دەپارتامەنت ءبىز جولداعان قۇجاتتار نەگىزىندە اتا-اناعا ايىپپۇل سالدى", - دەيدى نۇرلىباي ايجارىقوۆ.

اقتوبە وبلىستىق ءدىن ىستەرى باسقارماسىنىڭ دەرەگىنشە، قازىر وبلىس اۋماعىندا «مەكتەپ فورماسىن بۇزعاندىقتان» ساباققا قاتىسا الماي وتىرعان 103 بالا بار. قاڭتار ايىنان بەرى بۇل بالالاردىڭ اتا-انالارىمەن ءتۇرلى ءتۇسىندىرۋ جۇمىستارى جۇرگىزىلىپ كەلەدى. ال اقتوبە وبلىسىنىڭ ءبىلىم سالاسىنداعى باقىلاۋ دەپارتامەنتى قاڭتار ايىنىڭ 19-ىنان بەرى جالپى سانى 13 اتا-اناعا ايىپپۇل سالعان.

Abai.kz