الماتى وبلىسىندا مال شارۋاشىلىعى تۇراقتى دامىپ، 2017 جىلى «سىباعا» مەملەكەتتىك باعدارلاماسى 147%، «التىن اسىق» - 159, «قۇلان» - 127% ورىندالدى. وسىنىڭ بارلىعى مال باسىنىڭ ورتا ەسەپپەن 3,5 % وسۋىنە مۇمكىندىك بەرىپ، اۋىل ازاماتتارىنىڭ جىل بويى جۇمىسپەن قامتىلۋىنا ىقپال ەتتى. بۇل تۋرالى وبلىس اكىمى ا. باتالوۆ تۇرعىندار الدىنداعى ەسەپ بەرۋ جيىنىنداعى بايانداماسىندا ايتتى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

وبلىس باسشىسىنىڭ ايتۋىنشا، بۇگىندە وڭىردە 51 مىڭ باس ءىرى قاراعا ارنالعان 78 مال بورداقىلاۋ الاڭى جۇمىس ىستەيدى. ەندىگى باستى مىندەت – ەت ەكسپورتىنىڭ جوسپارىن ورىنداۋ. «بيىلعى جىلى يراندىق «يمپەريا فۋد» كومپانياسىنىڭ ەت وڭدەيتىن كەشەنىن ىسكە قوسۋ ارقىلى بۇل مىندەتتى ورىندايتىن بولامىز. كەشەن جوبالىق قۋاتىنا ساي جىلىنا 8 مىڭ توننا دايىن ءونىم شىعارا الادى. بيىلعى جىلدىڭ وزىندە شەت ەلدەرگە 700 تونناعا دەيىن ەت ەكسپورتتاۋدى جوسپارلاپ وتىرمىز»، - دەدى ا. باتالوۆ.

Abai.kz