فەرعانادا تاجىك-وزبەك شەكاراسى بويىنشا كەلىسسوز ءوتتى
فەرعانادا 24 اقپاندا تاجىك-وزبەك ۇكىمەتارالىق كوميسسياسىنىڭ مەملەكەتتىك شەكارانى دەليميتاتسيالاۋ جانە دەماركاتسيالاۋ بويىنشا كەزەكتى كەلىسسوزى ءوتتى.
وزبەكستان سىرتقى ىستەر مينيسترلىگىنىڭ حابارلاۋىنشا، ءماجىلىس ەكى ەلدىڭ ۇكىمەت باسشىلارى ابدۋللا اريپوۆ پەن كوحير راسۋلزودانىڭ قاتىسۋىمەن وتكەن.
«كەزدەسۋ بارىسىندا وزبەك-تاجىك مەملەكەتتىك شەكارالارىنىڭ جوبا سىزىعىن تالقىلاعان. قىسقا مەرزىمدە ەكى ەل دەليميتاتسيالاۋ ماسەلەسىندە ورتاق شەشىمگە كەلدى»، - دەپ اتاپ وتەدى وزبەكستاننىڭ سىرتقى ىستەر مينيسترلىگىنىڭ ءباسپاسوز قىزمەتى.
تاراپتار بىرقاتار ەكىجاقتى قۇجاتتاردى دا قاراپ، ءوزارا كەلىسىمگە كەلگەن. اتالعان قۇجاتتارعا بيىل ناۋرىز ايىندا وزبەكستان باسشىسى شاۆكات ميرزياەۆتىڭ تاجىكستانعا ساپارى بارىسىندا ەكى ەل پرەزيدەنتى قول قويادى دەپ جوسپارلانعان.
Abai.kz
