جۇما, 29 ناۋرىز 2024
3524 0 پىكىر 28 اقپان, 2018 ساعات 08:38

تاجىكستاندا كاسىپكەر ايەل كاسىپورىندى كۇشپەن تارتىپ العان دەگەن كۇدىككە ءىلىندى

تاجىكستاننىڭ جەمقورلىقپەن كۇرەس جانە مەملەكەتتىك قارجى باقىلاۋى جونىندەگى اگەنتتىگى "ازيا-تۋر" كومپانياسىنىڭ باسشىسى كارومات سوديكوۆانى ۇستادى. تەرگەۋدەن حابارى بار دەرەككوز مالىمەتى بويىنشا، كاسىپكەر ايەلدى 24 اقپاندا قاماۋعا العان.

وعان قارسى "اسا ءىرى كولەمدە الاياقتىق جاساۋ" جانە "جالعان قۇجات ازىرلەۋ" باپتارى بويىنشا قىلمىستىق ءىس قوزعالعان.

دەرەككوزدىڭ ايتۋىنشا، سوديكوۆا "لەن حۋ ا" كومپانياسىنىڭ باسشىسى جانە تاجىكستانداعى قىتاي مادەني ورتالىعىنىڭ ديرەكتورى دجەن حۋ انىڭ شاعىمىمەن ۇستالعان. قىتايلىق كاسىپكەر كۇدىكتىنى سۇرمە وندىرەتىن كاسىپورىندى جالعان قۇجاتتارمەن تارتىپ الدى دەپ ايىپتاعان. دجەن حۋ ا سوعدى وبلىسىنداعى كاسىپورىنعا 1 ملن سوموني قۇيعان.

قىتايلىق كاسىپكەردى تانيتىن دەرەككوزدىڭ مالىمەتىنە قاراعاندا، ول "ازيا-تۋر" كومپانياسىنىڭ باسشىسىنا ەكى جىل بۇرىن شاعىمدانعان، بىراق ءوزى قىسىمعا ۇشىراپ، تاجىكستاننان كەتۋگە ءماجبۇر بولعان.

جابىرلەنۋشى ەكى جىلدان بەرى سوديكوۆامەن سوتتاسىپ جۇرگەنىن ايتتى. سوديكوۆا بولسا تاعىلعان ايىپتاردى جوققا شىعارىپ وتىر. قازىر كاسىپورىن جۇمىسى توقتاتىلعان، كاسىپورىنداعى 130 ادام جۇمىسسىز قالدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592