سارسەنبى, 30 قىركۇيەك 2020
COVID-19 قازاقستاندا. جۇقتىرعاندار — 107833. جازىلعاندار — 102805. قايتىس بولعاندار — 1725
46 - ءسوز 4476 12 پىكىر 28 اقپان, 2018 ساعات 08:50

ەلباسى ايتسا، ءبىر-اق كۇندە سايراپ كەتەدى دەگەن ءسوزدى ەكىنىڭ ءبىرى ايتاتىن...

قازاق مەملەكەتىنىڭ پرەزيدەنتى تىلگە قاتىستى ايتتى عوي. ايتىلدى ما، ەندەشە ورىندا!

ءيا، رەسەي باسىلىمدارىنىڭ قۇيتۇرقى، ارانداتۋعا باعىتتالعان ماقالالار جاريالاۋداعى ويلارىنىڭ ءتۇبى تۇسىنىكتى. سىرتتىڭ پىكىرىنە باس قاتىرۋدىڭ قاجەتى شامالى. ازىرشە، ولارمەن تالاس-تارتىس ءتيىمسىز... ءىشىمىزدى بۇتىندەپ الايىق! ءار نارسە ءوز كەزەگىمەن. ۇندەمەي عانا ءوز تىرلىگىمىزدى جۇرگىزە بەرگەنىمىز ابزال.

ەكىنشى، ەلىمىزدەگى ورىستىلدىلەردىڭ ارەكەتى تالقارماۋ ىسپەتتى ەكەنى بارشامىزعا ءمالىم. قاي كەزدە دە بۇلاردىكى وسىنداي عوي. ال، قازاقتارعا، ايتىلعاننىڭ استارىن ارساققا جۇگىرتۋدىڭ، كەرى كەتپە ساياسات ىزدەۋدىڭ تۇككە كەرەگى جوق. قازاقتاردىڭ ارمانى، اڭساعانى، ايتىپ جۇرگەنى وسى ەمەس پە ەدى...

پرەزيدەنت شەنەۋنىكتەرگە ءبارىڭ قازاقشا سويلەڭدەر دەسە، ءبىر-اق كۇندە سايراپ كەتەدى دەگەن ءسوزدى ەكىنىڭ ءبىرى ايتاتىن. ال، ايتتى عوي. وسى ايتىلعاندى ءوز ۇلتىڭنىڭ مۇددەسىنە پايدالانسايشى. "بۇل تاعى ءبىر بەدەل جيناۋ، xالىقتى الداۋ" دەگەن سياقتى ەش پايداسىز، ۇلتقا ءتيىمسىز، ەل مەن ەلباسىنىڭ اراسىنا كۇمان، كۇدىك تۋعىزاتىن كەرى پىكىردەن كىم ۇتادى؟ مۇنداي پىكىر ايتۋشىلار ءوزىنىڭ "بولجاعىشتىعىن", "سۇڭعىلالىعىن" بىلدىرگىسى كەلە مە؟ بۇل بىلگىشتەردىڭ وسى كەرتارتپا پىكىرىنىڭ ەل بۇتىندىگىنە قانشاما زيان ەكەنىن بىلە مە ەكەن؟

ەدىل انىقباي

Facebook-تەگى پاراقشاسىنان

12 پىكىر