ورتالىقتىڭ قىزمەتكەرلەرىنىڭ كاسىبي بىلىكتىلىگىن ارتتىرۋ ماقساتىندا ىسكەرلىك اقپارات، الەۋمەتتىك جانە ماركەتينگتىك زەرتتەۋلەر ورتالىعىمەن مەموراندۋمعا قول قويدى. بۇل تۋرالى وڭىرلىك كوممۋنيكاتسيالار قىزمەتى الاڭىندا بەلگىلى بولدى.

قازىرگى تاڭدا «تالداۋ جانە بولجاۋ» ورتالىعى «BISAM» زەرتتەۋ ورتالىعىمەن تىعىز جۇمىس جاساۋدا. ورتالىقتىڭ باستى ماقساتى اعىمداعى جىلدىڭ اقپان ايىنان باستاپ سانى 1500-گە جۋىق الىنعان اقپاراتتى SPS قوندىرعىسىنا ەنگىزۋ. وسى ارقىلى زەرتتەۋ ورتالىعىنان اناليتيكالىق ساراپشى رەتىندە ۇسىنىستارىن قابىلداۋ.

جالپى «BISAM» ورتالىعى 2001 جىلدىڭ قىركۇيەگىنە دەيىن BILESIM International Kazakhstan دەپ اتالىپ، بىرلەسكەن كاسىپورىن مارتەبەسىنە يە بولدى.سول جىلدىڭ قىركۇيەگىندە ول قازاقستاندىق كاسىپورىن مارتەبەسىنە كوشىپ، «BISAM Central Asia» اتاۋىن الدى. «BISAM» دۇنيەجۇزىلىك كاسىبي زەرتتەۋشىلەر اسسوتسياتسياسىنا ۇسىنىلعان قازاقستان مەن ورتالىق ازياداعى العاشقى زەرتتەۋ كومپانياسى بولىپ تابىلادى.

1999 جىلدان بەرى BISAM وكىلدەرى جىل سايىنعى ESOMAR كونگرەستەرىنىڭ بارلىعىنا دەلەگاتتار بولدى. حالىقارالىق زەرتتەۋ قوعامداستىعىنىڭ ەڭ بەدەلدى فورۋمدارىندا جۇيەلى تۇردە قاتىسۋ BISAM-نىڭ عالامدىق زەرتتەۋ سالاسىنىڭ ەڭ وزىق يدەيالارى مەن تەندەنتسيالارىنا سايكەس كەلۋىنە مۇمكىندىك بەردى. 2006 جىلى BISAM ورتالىق ازيا مەن قازاقستانداعى ESOMAR كونگرەسس باعدارلاماسىنا ەنگىزىلگەن العاشقى زەرتتەۋ اگەنتتىگى بولدى.

«ءبىزدىڭ ورتالىق تەك ماركەتينگتىك، الەۋمەتتىك جانە ەكونوميكالىق زەرتتەۋلەرمەن عانا ەمەس. وسىمەن بىرگە قىزمەتكەرلىك، قوعامدىق زەرتتەۋلەر دە جۇرگىزەمىز. ءبىزدىڭ بولاشاعىمىز جاستار بولعاندىقتان، ولاردىڭ ومىرلەرىنەن حاباردار بولۋ كەرەك. جانە ينتەرنەتتەگى ءىس-ارەكەتتەرىن دە نازاردان تىس قالدىرماعان ءجون. سونداي-اق، جالپى حالىقتىڭ تۇرمىس-تىرشىلىگىن، ولاردى الاڭداتاتىن جاعدايلاردى زەرتتەۋ دۇرىس»، – دەپ قورىتىندىلادى «BISAM Central Asia» زەرتتەۋلەر ورتالىعىنىڭ باس ديرەكتورى وتەنكو ت.ۆ.

Abai.kz