قازىر مەكتەپ پەن مۇعالىم تۋرالى ءسوز بولسا "باياعىدا مەكتەپ كەرەمەت ەدى. مۇعالىمدەر شەتىنەن دانىشپان ەدى. مۇعالىمدى كورسە كىرەرگە تەسىك تاپپاي قالاتىن ءبىز دە كەرەمەت ەدىك. مۇعالىمگە قوسىلا تاياقتايتىن اكە-شەشەمىز ءتىپتى كەرەمەت ەدى" - دەپ وزەۋرەپ شىعا كەلەتىن كوكىرەك كوزدەرى سوقىرلار جەتەرلىك...

جوعارىدا ءبىز اتاپ وتكەننىڭ ءبارى تاربيەمىزدىڭ كەرەمەتتىگىنەن بولعان جوق. ونىڭ ءبارى تەك ارتتا قالعان توتاليتارلىق قوعامعا عانا ءتان بەلگىلەر.
نەلىكتەن سولاي بولدى؟

بىرىنشىدەن، اۋىلداعى ەڭ بءىلىمدى ادام كوپشىلىگى 7 كلاستى بىتىرسە دە، سول مۇعالىمدەر ەدى.

ەكىنشىدەن، كسرو-نىڭ تەمىر قورعانى وزگە ەلدەرمەن سالىستىرۋعا مۇمكىندىك بەرمەدى.

ۇشىنشىدەن، 21-عاسىردىڭ تالابى مۇلدەم باسقا...

بالانى ۇرىپ-سوعىپ قورقىتىپ وقىتۋدىڭ زامانى الدەقاشان وتكەن..

بالا باسقانى بىلمەسە دە، "بالا قۇقىقتارى تۋرالى" كونۆەنتسيانى جاقسى بىلەدى.

بۇگىنگى كۇنگى اتا-انا مەن مۇعالىمنىڭ مىندەتى بالانى ەشقانداي قورقىتۋ-ۇركىتۋسىز ءوز بەدەلىنە باس ءيدىرۋ...

بۇل ءۇشىن ادام ەڭ الدىمەن وزىمەن جۇمىس جاساۋ كەرەك.

وزىمەن جۇمىس جاساۋ قيىن بولعاندىقتان اتا-انا مۇعالىمدى، مۇعالىم اتا-انانى، ال ەكەۋى جابىلىپ بيلىكتى كىنالايدى.

بيلىكتى قوسىلا كىنالايىن دەسەڭ...

قازىر 5 ادامنىڭ تورتەۋىندە ماشينا بار. سولاردىڭ كوپشىلىگى تەك ينسپەكتوردان قورىققاننان عانا اۆتونىڭ رۋلىنە اراق ىشپەي وتىرادى. قاۋىپسىزدىك بەلدىگىن دە سول ينسپەكتور ءۇشىن عانا تاعادى.
كىمدى كىنالايسىڭ؟

سونىمەن الدىڭنان "تاۋىق پەن جۇمىرتقانىڭ قايسىسى ءبىرىنشى پايدا بولدى؟" دەگەن سۇراق تاعى شىعا كەلەدى..

ءومىر شىنىبەكۇلى

Facebook-تەگى پاراقشاسىنان