"وبلىستان بىزگە بىرنەشە توننا پياز بەن كارتوپ جولداعان. وبلىس پەن اۋدان باسشىلارى ءاربىر دارىگەر 20 كەلى كوكونىس ساتىپ السىن دەپ تاپسىرعان. ءبىزدىڭ باسشىلىق ونى ساتىپ الۋدان باس تارتقاندار جۇمىستان شىعۋ تۋرالى ءوتىنىش جازۋىن تالاپ ەتتى", - دارىگەرلەردىڭ ءبىرى.

ونىڭ ايتۋىنشا، قىزمەتكەرلەردىڭ كوبىسى باسشىلىق ۇسىنعان كوكونىستى العىسى كەلمەدى، ويتكەنى ولار پياز پەن كارتوپتى وزدەرى ءوسىرىپ الا الادى.

كيتاب اۋدانىنداعى مەكتەپتەردىڭ ءبىرىنىڭ مۇعالىمى باسشىلىق ءونىپ كەتكەن كوكونىس ساتىپ الۋعا ماجبۇرلەگەنىن مالىمدەدى. "بيىل بازاردا پياز كوپ. ءبىر كەلىسى 500-800 سۋم تۇرادى. ال بىزگە پيازدىڭ ءبىر كەلىسىن 1800 سۋمعا (شامامەن 0,3 دوللار) ۇسىنىپ وتىر. بازاردا كارتوپتىڭ كەلىسى 3 مىڭ سۋم تۇرسا، ولار بىزگە 3800 سۋمنان ساتتى", – دەدى ول.

قاشقاداريا وبلىسى ياككاباگ اۋدانىنداعى ءبىر مەكتەپتىڭ مۇعالىمى "ۇستازداردىڭ ايلىعىنان پياز پەن كارتوپقا 32 مىڭ سۋم ۇستاپ قالعانىن مالىمدەدى.

كيتاب اۋدانىنداعى مەديتسينالىق بىرلەستىكتىڭ باس دارىگەرى حاكيم سايدوۆ مەديتسينالىق قىزمەتكەرلەردەن كارتوپ پەن پياز ساتىپ الۋعا ماجبۇرلەپ جاتقانىن جوققا شىعارمادى.

Abai.kz