الماتى وبلىسىنىڭ اگرارلىق جانە ونەركاسىپتىك الەۋەتى تەك اۋىل شارۋاشىلىعىن جۇرگىزۋمەن قاتار، اگروتۋريزمدى دامىتۋعا مۇمكىندىك بەرەدى. مامانداردىڭ پىكىرىنشە، ءتۋريزمنىڭ بۇل ءتۇرىنىڭ بولاشاعى زور، الايدا دامىتۋمەن ەشكىم تۇبەگەيلى اينالىسپايدى.

وسىعان بايلانىستى جاقىندا تالدىقورعان قالاسىندا «ايسەر» جانە «GREEN VILLA HOTEL» قوناق ۇيلەرى كەشەنىندە ورنالاستىرۋ ورىندارى وكىلدەرىنىنىڭ شەبەرلىگىن ارتتىرۋ جانە اگرارلىق ءتۋريزمدى ۇيىمداستىرۋ بويىنشا ماستەر-كلاسس ءوتتى. شەبەرلىك ساعاتىنا قوناق ءۇي مەن اۋىل شارۋاشىلىعى بيزنەسىنىڭ 50 جەتەكشىسى مەن قىزمەتكەرلەرى قاتىستى. الماتى وبلىسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ ءتۋريزمنىڭ دامۋى سالادا ماماندارىنىڭ كاسىبي بىلىكتىلىگىن جوعارىلاتۋىمەن تىكەلەي بايلانىستى ەكەنىن اتاپ ءوتتى.

تۋريزم باسقارماسىندا كاسىپكەرلەردى اگرارلىق تۋريزمگە كوڭىل ءبولىپ، شارۋاشىلىق نىساندارىن تۋريستەرگە تارتىمدى ەتۋگە شاقىردى.

«قازىرگى الەمدە ادامداردى اۋىلدار، ونداعى تابيعات مەن اۋىل شارۋاشىلىعى كاسىپكەرلىگى قاتتى قىزىقتىرادى. تۋريستەردىڭ ىنتاسى مەن سۇرانىسى جوعارى. وسىعان بايلانىستى اۋىل كاسىپكەرلەرى ءتيىستى جاعداي مەن قىزمەت كورسەتۋدى ەنگىزۋى ماڭىزدى»، - دەيدى وبلىستىق تۋريزم باسقارماسى جانىنداعى تۋريزم جانە اقپاراتتىق قىزمەتتەر ورتالىعىنىڭ كەڭەسشىسى ۆەرا ەجيكوۆا

جالپى باتىس ەلدەرىندە اگروتۋريزم وتكەن عاسىردىڭ 70 جىلدارىندا پايدا بولدى. ستاتيستيكا بويىنشا فرانتسيادا ءاربىر ءۇشىن تۋريست - اۋىل شارۋاشىلىعى ءتۋريستى، ۇلىبريتانيادا بۇل كورسەتكىش 10%-ءتى قۇرايدى. ال گەرمانيادا اۋىل شارۋاشىلىعى ءتۋريزمىنىڭ ۇلەسى 4-5%.

«قازاقستاننىڭ بارلىق وڭىرلەرىندە اگروتۋريزمدى دامىتۋعا بولادى. ءاربىر وبلىستا وزگەشە تابيعات جانە اۋىل شارۋاشىلىعى قىزمەتى ەرەكشە. سوڭعى ۋاقىتتا تۋريستەر سيىر ساۋ، ءشوپ شابۋ، كارتوپ ەگۋ سىندى دەمالىستىڭ بەلسەندى تۇرلەرىن تاڭدايدى. سونىمەن بىرگە، ولارعا اۋىل شارۋاشىلىعى ونىمدەرىن شىعارۋ پروتسەسى جانە وعان قاتىسۋ ءۇردىسى قىزىق. الماتى وبلىسى بۇل مۇمكىندىكتەردىڭ بارلىعىن ۇسىنا الادى»، - دەيدى ءال-فارابي اتىنداعى قازۇۋ تۋريزم كافەدراسىنىڭ دوتسەنتى، حالىقارالىق كوۋچەر ءاليا اقتىمباەۆا.

ەسكەلدى اۋدانىنداعى شارۋا قوجالىعىنىڭ جەتەكشىسى راۋشان جاقۇپباەۆا ءۇشىن اگرارلىق تۋريزم تاقىرىبى تىڭ جانە وزەكتى بولىپ تابىلادى.

«ءبىز جيىرما جىلداي مال جانە وسىمدىك شارۋاشىلىعىمەن اينالىسىپ كەلەمىز. بىراق ەشقاشاندا شارۋا قوجالىعىندا اگرارلىق ءتۋريزمدى دامىتۋعا بولاتىنىن ەسكەرمەپپىشش. ماستەر-كلاسستا وسى باعىتتاعى ءبىلىمىمىزدى كەڭەيتتىك»،- دەيدى كاسىپكەر.

سونىمەن قاتار قوناق ءۇي بيزنەسى بويىنشا شەبەرلىك ساباعىن حالىقارالىق ساراپشىلار فابەن سەلوس (فرانتسيا) مەن الەكساندر گۋسەۆ (قىرعىزستان) جۇرگىزدى. ترەنەرلەردىڭ سوزىنشە، سەرۆيس مادەنيەتى مەن قىزمەت كورسەتۋ ساپاسى ءاردايىم جوعارى بولىپ، قىزمەت كورسەتۋ دەڭگەيى نىساننىڭ قالادا نەمەسە اۋىلدا ورنالاسۋىنا بايلانىستى بولماۋى كەرەكتىگىنە نازار اۋداردى.

ورتالىق ازيا ۋنيۆەرسيتەتىنىڭ قر ۇكىمەتى جانە قوعاممەن بايلانىس جونىندەگى وكىلى رايحان سيسەكەنوۆانىڭ ايتۋىنشا وڭىردە وتباسىلىق ءتۋريزمدى دامىتۋ ءۇشىن قولايلى جاعداي جاساۋ مۇمكىندىگىن قاراستىرۋ قاجەت.

«تەكەلى - وتباسىلىق تۋريزم ءۇشىن قولايلى قالا» اتتى تۇجىرىمدامانى ۇسىنىپ وتىرمىز. وسىلايشا ءبىز كاسىپكەرلەر قوعامداستىعىن وتباسىلىق دەمالىستى ىڭعايلى ەتۋ ءۇشىن جاڭا قىزمەت تۇرلەرىن ەنگىزۋگە ىنتالاندىرعىمىز كەلەدى»، - دەيدى رايحان سيسەكەنوۆا.

شەبەرلىك ساباعىنىڭ قورىتىندىسى بويىنشا قاتىسۋشىلارعا بىلىكتىلىكتى ارتتىرۋ جونىندەگى حالىقارالىق سەرتيفيكات تاپسىرىلدى.

ايتا كەتەيىك، تۋريزم باسقارماسى تالعار اۋدانى، قاسقەلەڭ قالاسى، تالدىقورعان جانە قاپشاعاي قالالارىنداعى ورنالاستىرۋ مەن تاماقتاندىرۋ ورىندارىنىڭ قىزمەتكەرلەرى ءۇشىن وقىتۋ كۋرستارى مەن ترەنينگتەر توپتاماسىن ۇيىمداستىرعان بولاتىن. سونىمەن قاتار رايىمبەك اۋدانىندا قوناق ۇيلەر مەن گيد-ەكسكۋرسوۆودتار ءۇشىن دە كۋرستار وتكىزىلدى.

باسقارمانىڭ اقپاراتىنشا، 2017 جىلى تۋريستەرگە ارنالعان 680 ورنالاستىرۋ ورىندارى تىركەلىپ، ونلا 1,5 ملن ادام دەمالعان.

Abai.kz