"ابىروي بولعاندا، جۇگەرى بىتىك شىقتى. بيداي ۇنىن تاپپاعاندار جۇگەرى ۇنىنان نان جاۋىپ جەيدى. داشوعىز تۇرعىندارى بۇعان دەيىنگى اشتىق جىلدارى دا جۇگەرىمەن كۇنەلتكەن. جاڭا پىسكەن مۇنداي ناننىڭ ءدامى جامان ەمەس. بىراق كەلەسى كۇنى ول قاتىپ قالادى، سىندىرۋ قيىنعا تۇسەدى. سول سەبەپتى ايەلدەر جۇگەرىدەن ناندى كۇندە پىسىرەدى", - دەدى ازاتلىك راديوسىنا داشوعىز تۇرعىنى.

ونىڭ ايتۋىنشا، قازىر جۇگەرى باعاسى دا وسكەن. ونىڭ ءبىر كەلىسى بەس ماناتقا ​(1 دوللار - شامامەن 3,5 مانات) دەيىن بارادى. سوعان بايلانىستى، كەيبىر وتباسىلار مۇنداي نانعا دا جەتە الماي وتىر.

بۇعان دەيىن تۇركىمەنستان تۇرعىندارى كەبەككە كوشكەنى تۋرالى حابارلانعان ەدى.

قازىرگى تاڭدا مارى جانە داشوعىز ءۋالاياتتارىندا قازاقستاندا شىعارىلعان ۇننىڭ ءبىر قابى - 50 كەلى - 180-190 مانات تۇرادى. بىراق ايماق تۇرعىندارى مۇنداي باعاعا ۇن ساتىپ الا المايدى.

تۇركىمەنستان بيلىگى ەلدەگى ازىق-تۇلىك داعدارىسىن رەسمي تۇردە مويىنداماي وتىر. ساراپشىلار قازىرگى تاپشىلىقتى تابيعي رەسۋرستارعا باي تۇركىمەنستان تاريحىندا سوڭعى 25 جىلدا بولماعان ەكونوميكالىق داعدارىسقا جاتقىزادى.

Abai.kz