ش.ايمانوۆ اتىنداعى «قازاقفيلم» اق «جەڭىمپاز» اتتى تولىقمەترلى كوركەم ءفيلمنىڭ ءوندىرىسىن باستاعالى وتىر. كارتينا كەڭەس وداعىنىڭ كلاسسيكالىق كۇرەسشىسى، الەم چەمپيونى، وليمپيادا چەمپيونى، كسرو ەڭبەك سىڭىرگەن سپورت شەبەرى (1980), قازاق كسر ەڭبەك سىڭىرگەن جاتتىقتىرۋشىسى – جاقسىلىق ۇشكەمپىروۆتىڭ ءومىرى تۋرالى باياندايدى. ءفيلمنىڭ رەجيسسەرلەرى – باقىت قايىربەكوۆ پەن الەكسەي كامەنسكي.

«قازاقفيلم» كينوستۋدياسى اتالعان جوباعا باستى جانە ەپيزودتاعى رولدەرگە اكتەرلەر كاستينگىن جاريالايدى.

تالاپتار:

• 5-7 جاس ارالىعىنداعى ۇل بالالار (جۇزە ءبىلىپ، اتقا مىنە الۋلارى قاجەت)
• 9-15 جاس ارالىعىنداعى قىز بالالار
• 15-29 جاس ارالىعىنداعى ارىقتاۋ كەلگەن جاس سپورتشىلار (كۇرەسە بىلۋلەرى قاجەت)
• 30 دان 60 جاسقا دەيىنگى سپورتشى ەر ادامدار (كۇرەسە بىلۋلەرى قاجەت)
• 18-22 جاس ارالىعىنداعى ستۋدەنت قىزدار
• 20 دان 60 جاس ارالىعىنداعى ەر ادامدار مەن ايەل ادامدار

كاستينگكە قازاق ءتىلىن مەڭگەرگەن بارلىق ۇلت وكىلدەرىن شاقىرامىز.

بارلىق ۇمىتكەرلەر وزدەرى تۋرالى انكەتالىق اقپاراتتى (اتى-ءجونى، جاسى، بويى، سالماعى، كينوداعى تاجىريبەسى، بايلانىس تەلەفوندارى) تولتىرىپ، سونداي-اق، فوتوعا ءتۇسىپ (تۇلا بويى، ءىرى پلاندا انفاس جانە ءىرى پلاندا پروفيل) e-mail: mergen_kasting_kz@mail.ru ەلەكتروندى پوشتاسىنا جىبەرۋلەرى قاجەت.

ءتۇسىرىلىم توبىنىڭ تالاپتارىنا سايكەس كەلگەن ۇمىتكەرمەن كاستينگ-ديرەكتور  ءوزى حابارلاسىپ، اكتەرلىك سىناققا شاقىرادى.

Abai.kz