تاريح تالكەگى قازاقتى جۇمىر جەردىڭ تۇكپىر-تۇكپىرىنە كەتۋگە ءماجبۇر ەتتى. شەتەلدە 5 ميلليوننان استام قانداستارىمىز ءومىر سۇرۋدە. وزبەكستان مەن رەسەي، قىتاي مەن موڭعوليا، تۇركىمەنستان مەن يران، تۇركيا مەن اۋعانستاندا مىڭنان باستاپ ميلليونعا دەيىنگى قانداستارىمىز بار. تاۋەلسىزدىك العان ساتتەن باستاپ ەلگە الاش بالاسىنىڭ قايتۋى قارقىندى تۇردە ءجۇردى. الايدا سوڭعى ۋاقىتتا اتامەكەنگە سىرتتان كەلەتىن قازاقتىڭ لەگى سايابىرسي باستاعان سەكىلدى. ونى ستاتيستيكادا دالەلدەيدى. قوعام دا، ەل دە، بيلىك تە بۇل پروتسەستىڭ باياۋلاۋىن قالىپتى قابىلداپ، "سولاي بولۋ كەرەك" دەپ ساناۋعا جاقىن. اقيقاتىندا سىرتتاعى قازاقتىڭ تەك 15-18 % عانا ەلگە ورالىپ ۇلگەرگەن، ال ماقساتىمىز بار قازاقتى قازاقستاندا جيناۋ ەدى.

ونىڭ ۇستىنە كورشى ەلدەردە ساياسي ءھام الەۋمەتتىك جاعدايلار وزگەرىپ، ءارتۇرلى سەبەپتەر قانداستاردىڭ جاپپاي كوشۋىنە كەدەرگى. ول قيىندىقتار ءسوزسىز تالقىلاۋدى قاجەت ەتەدى. سول ماقساتتا ءبىز «اتامەكەنگە ات باسىن بۇر الاش بالاسى!» اتتى دوڭگەلەك ۇستەل ۇيىمداستىرماقپىز. تۇپكى ماقسات سىرتتاعى قازاقتى ەلگە ورالۋعا ۇندەۋ قابىلداۋ.

قاتىسۋشىعا دا، جۋرناليستكە دە تىركەلۋ مىندەتتى(سەبەبى ورىن شەكتەۋلى). وتەتىن ۋاقىتى مەن جەرى: الماتى قالاسى، بايتۇرسىنوۆ كوشەسى 139 مەكەن-جايىندا (عابدۋللين قيىلىسى) Garden Park Inn قوناق ۇيىندە. باستالۋى 15.00-دە. 30.03.2018

بايلانىسۋ ءۇشىن: 87478491787-بايان، 87079635158-اقنۇر

Abai.kz