جۇما, 29 ناۋرىز 2024
2780 0 پىكىر 3 ءساۋىر, 2018 ساعات 08:57

وزبەكستاندا مۇعالىمدەردى شىرشا كوشەتتەرىن قىمباتقا ساتىپ الۋعا ماجبۇرلەگەن

وزبەكستاننىڭ ءاندىجان وبلىسى بوز اۋدانىنداعى مەكتەپ مۇعالىمدەرى مەكتەپكە وتىرعىزىلاتىن شىرشا كوشەتتەرىن اۋدان اكىمدىگى قىمبات باعامەن ماجبۇرلەپ ساتىپ جاتقانىنا شاعىمداندى. وبلىس اكىمدىگى بوز اۋدانىنا 300 شىرشا كوشەتىن بولگەن.

اۋدانداعى مەكتەپتەردىڭ بىرىندە جۇمىس ىستەيتىن مۇعالىمنىڭ ايتۋىنشا، ۇستازدارعا شىرشا كوشەتىن 20 مىڭ سۋمنان (شامامەن 2,5 دوللار) ماجبۇرلەپ ساتىپ جاتىر، ال ونىڭ بازارداعى باعاسى - بار بولعانى 3 مىڭ سۋم.

ء"بىزدىڭ مەكتەپكە شىرشا كوشەتىن الىپ كەلدى. ديرەكتور جينالىس وتكىزىپ، ءاربىر مۇعالىمگە ەكى كوشەتتەن الۋدى بۇيىردى. اقشا ايلىقتان ۇستالادى. ءبىز ديرەكتوردى تۇسىنەمىز، ول بۇيرىقتى ورىندايدى. بىراق ءۇش مىڭ سۋمنىڭ زاتىن 20 سۋمعا ساتقانى قينالتادى", – دەپ شاعىمداندى ۇستاز.

باسقا ءبىر مەكتەپتىڭ مۇعالىمى ارىپتەسىنىڭ سوزدەرىن راستادى. "جەرگىلىكتى بيلىك مەكتەپ اۋلاسىن كوگالداندىرۋعا اقشا بولمەيدى. ءبىزدىڭ ديرەكتور بۇل ىسپەن مەكتەپ قىزمەتكەرلەرى اينالىسۋى كەرەك دەيدى. بىراق ءبىز اۋدان اكىمدىگى بولگەن كوشەتتى عانا الۋىمىز قاجەت ەكەن", - دەيدى مۇعالىم.

اندىجانداعى دەرەككوز مالىمەتىنە قاراعاندا، وبلىس اكىمدىگى بوز اۋدانىنا 300 شىرشا كوشەتىن بولگەن.

وتكەن جىلى حورەزم وبلىسى شاۆات اۋدانىندا مەكتەپ ۇستازدارىنا شىرشا كوشەتىن ماجبۇرلەپ ساتقان، بىراق ولار كۇزدە قۋراپ قالدى. سول كەزدە مۇعالىمدەر قۋراعان كوشەتتى جاسىلعا بوياۋ ءۇشىن تاعى دا اقشا جيناۋعا ءماجبۇر بولعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3549