شاشتاراز مۇعالىمنىڭ شاشىن قيىپ جاتىر.

- وسى نەگە بىزدە ءبىلىم ساپاسى جىل وتكەن سايىن ناشارلاپ بارا جاتىر؟
مۇعالىم ءبىر جوتكىرىنىپ الىپ بىلاي دەدى:

- ويلاپ كورىڭىزشى، ەگەر ءسىز شاش قىرقۋعا قولداناتىن ءار قۇرالىڭىزدىڭ قاجەتتىلىگىن جازباشا تۇردە نەگىزدەپ، قۇجاتتارمەن دالەلدەپ وتىرۋعا مىندەتتى بولساڭىز; سوسىن سىزگە ءار باستى كۇزەردە ۇزاق مەرىزىمدىك جانە ساعاتتىق جوسپارلار ءتۇزىپ، قياردان بۇرىنعى جانە قيعاننان كەيىنگى باستى جۋ پروتسەسىنىڭ ادىستەمەسىن ەسەپ قاعازىنا تىركەپ، سۋسابىن، گەل سەكىلدى شاش كۇتىمىنە ارنالعان زاتتاردىڭ مولشەرىن، قۇرامىن، قولدانىلۋ ماقساتىن جازباشا تۇردە كورسەتىپ وتىرۋ جۇكتەلسە; ەڭبەكاقىڭىز كليەتتەردىڭ جازعان ماقالالارى مەن پىكىرلەرىنە، ءسىزدىڭ باس جۋ تۋرالى قوعامدىق لەكتسيالارىڭىزعا، "قىرىنۋدىڭ تاريxي كونتسەپتسيا رەتىندەگى مەديا-كوممۋنيكاتسيالىق اسپەكتىسى" دەگەن سەكىلدى تاقىرىپتارداعى عىلىمي كونفەرەنتسيالار مەن xالىقارالىق سەمينارلارعا قاتىسۋداعى بەلسەندىلىگىڭىزگە تىكەلەي بايلانىستى بولسا; اي سايىن شاش الدىرۋشىلار مەن ولاردىڭ تۋىستارىنا ارناپ كونتسەرتتىك ءىس-شارالار ۇيىمداستىرىپ وتىرساڭىز; ايىنا بىرنەشە رەت تەكسەرۋ كەلسە; جوعارىنىڭ شەشىمىمەن وتكىر ءجۇزدى ۇستارانى قولدانۋعا تىيىم سالىنسا; ءار كليەنتپەن شاش الاردىڭ الدىندا جانە سوڭىندا سەلفي جاساپ، ول سۋرەتتەردى ارنايى كوميسسياعا ەسەپ رەتىندە تاپسىرىپ وتىرساڭىز; ءاربىر كليەنت پەن ولاردىڭ كورشىلەرىنىڭ كوممۋنالدىق تولەمدەردى جاساعانى تۋرالى انىقتامارىن تۇراقتى تۇردە جيناپ تۇرۋ ءسىزدىڭ موينىڭىزدا بولسا; ءتىپتى، اراسىندا شاش قيعىزعان ادامداردىڭ ۇيلەرىنە بارىپ، شاشتارىنىڭ قالاي ءوسىپ جاتقانىن تەكسەرىپ، ولارعا قانداي دا پسيxولوگيالىق جاردەمنىڭ قاجەت، قاجەت ەمەسىن ءبىلىپ تۇرۋعا جۇمساسا، قالاي بولار ەدى؟ ول ول ما، ايىنا بىرنەشە رەت ء"وز ەركىڭىزبەن" كوشە سىپىرىپ، اعاشتاردى اكتەۋگە كومەكتەسىپ تۇرساڭىز. سوسىن جۇمىستان بوس ۋاقىتىڭىزدا...

- توقتات! بولدى، جەتەدى!!! - دەدى ۇزاق-سونار اڭگىمەدەن شارشاپ كەتكەن شاشتاراز قاباعىن ءتۇيىپ. - ەگەر مەن ونىڭ ءبارىن ىستەيتىن بولسام، جۇرتتىڭ شاشىن كىم قيادى؟ 

- مەنىڭشە، ءسىز ءوز سۇراعىڭىزعا جاۋاپ بەرگەن سياقتىسىز، - دەپ اششى جىميدى مۇعالىم.

ءماتىننىڭ ورىسشا نۇسقاسى كاكەن اعاي قامزيننىڭ پاراقشاسىنان الىندى.

Abai.kz