الماتى. 29 قاڭتار. قازتاگ - بەيسەنبى كۇنى الماتى وبلىسىنىڭ اقسۋ اۋدانىندا 2010-شى جىلعى ناۋرىزدا سۋ قويماسىنىڭ بوگەتىن سۋ شايىپ كەتۋدەن، قىزىلاعاش اۋلىندا ادام ءولىمىنىڭ ورىن الۋىنا بايلانىستى قىلمىستىق ءىس تالدىقورعان گورنيزونىدا اسكەري سوتتا قارالا باستادى، دەپ «ۆرەميا» گازەتى جازادى.

«مەملەكەتتىك ايىپتاۋشى مارات يمانعاليەۆ ايىپتالىپ وتىرعان جەتەۋدىڭ ارقايسىسىن 5 جىلدان باس بوستاندىعىن ايىرۋدى سۇرايدى»، - دەلىنگەن ماقالادا.

گازەت بىلتىر ناۋرىزدىڭ 11-نەن 12-سىنە قاراعان ءتۇنى قىزىلاعاش اۋلىن تولىعىمەن سۋ شايىپ، 43 ادام قازا بولىپ، 450 ءۇي قيراپ قالعانىن ەسكە سالادى.

الماتى. 29 قاڭتار. قازتاگ - بەيسەنبى كۇنى الماتى وبلىسىنىڭ اقسۋ اۋدانىندا 2010-شى جىلعى ناۋرىزدا سۋ قويماسىنىڭ بوگەتىن سۋ شايىپ كەتۋدەن، قىزىلاعاش اۋلىندا ادام ءولىمىنىڭ ورىن الۋىنا بايلانىستى قىلمىستىق ءىس تالدىقورعان گورنيزونىدا اسكەري سوتتا قارالا باستادى، دەپ «ۆرەميا» گازەتى جازادى.

«مەملەكەتتىك ايىپتاۋشى مارات يمانعاليەۆ ايىپتالىپ وتىرعان جەتەۋدىڭ ارقايسىسىن 5 جىلدان باس بوستاندىعىن ايىرۋدى سۇرايدى»، - دەلىنگەن ماقالادا.

گازەت بىلتىر ناۋرىزدىڭ 11-نەن 12-سىنە قاراعان ءتۇنى قىزىلاعاش اۋلىن تولىعىمەن سۋ شايىپ، 43 ادام قازا بولىپ، 450 ءۇي قيراپ قالعانىن ەسكە سالادى.

بىلتىر ۇزاققا سوزىلعان تەكسەرۋدەن كەيىن اپاتقا ايىپتى جەتى ادام - قىزىلاعاش اۋىل وكرۋگىنىڭ اكىمى ەسەت ءجۇنىسوۆ، سۋ پايدالانۋشىلاردىڭ اۋىلدىق وندىرىستىك «قىزىلاعاش» كووپەراتيۆىنىڭ باسقارما توراعاسى قۋانىش بەكەەۆ، وسى كووپەراتيۆتىڭ اتقارۋشى ديرەكتورى ماقسۇت ءجۇنىسوۆ، اقسۋ اۋداندىق تج ءبولىم باستىعى كۇنىبەك بايزاقوۆ، اقسۋ اۋداندىق اكىم ورىنباسارى بەرىك تىنىشباەۆ، الماتى وبلىستىق تج دەپارتامەنت باستىق ورىنباسارى ەۆگەني ەنين مەن وبلىستىق سۋ رەسۋرستار كوميتەتىنىڭ توراعاسى اقداربەك سابىروۆ قاماۋعا الىنعاندى. ەسەت ءجۇنىسوۆ، ك. بايزاقوۆ پەن ب. تىنىشباەۆ قر قك 316-شى بابى - «سالاقتىق»، ق. بەكەەۆ پەن ماقسۇت ءجۇنىسوۆ - 232-ءشى باپ - «مىندەتىنە جاۋاپسىزدىق تانىتۋ». ە. ەنينگە اۋىر سالدارعا سوقتىرعان  قىزمەتىنە دەگەن جاۋاپسىزدىق (381-ءشى باپ، 2-ءشى تارماعى), ال ا. سابىروۆقا - بيلىكتى اسىرا پايدالانۋ (308-ءشى باپ، 3-ءشى تارماق) بابى بويىنشا ايىپتالادى.

«مەن ولاردىڭ بارلىعىنا 5 جىل باس بوستاندىعىنان ايىرىپ، بىراق ونى ەركىن-قونىس كولونياسىندا وتەيتىن جازا سۇراپ وتىرمىن. سەبەبى بۇل قىلمىس ابايسىزدىقتان جاسالعان. بۇل زاڭمەن قاراستىرىلعان ەڭ اۋىر جازا»، - دەدى جۋرناليستەرگە م. يمانعاليەۆ.

ونداعى مالىمەتتەرشە، سوتقا تارتىلىپ وتىرعاندار وزدەرىن ايىپتىمىز دەپ وتىرعان جوق. «بىراق پىكىرتالاس ءالى اياقتالعان جوق. ايتپاقشى، زارداپ شەككەندەردىڭ كەيبىرەۋلەرى سوتتالىپ وتىرعانداردى جالپى تارتىپتەگى كولونيالارعا جىبەرىلۋىن سۇرايدى»، - دەدى پروكۋرور.

سوت كەلەسى اپتادا شەشىم شىعاراتىن شىعار، دەپ جازادى گازەت.