ۋنيۆەرلەردىڭ اكادەميالىق ەركىندىگى 85%-عا جەتەدى
ەندى ۋنيۆەرلەردىڭ اكادەميالىق ەركىندىگى 85%-عا جەتەدى. الدىن الا جوو رەكتورلارى كونكۋرسپەن ىرىكتەلدى. جاڭا ماماندىقتار ەڭبەك نارىعىنىڭ سۇرانىسىنا ساي وڭايىراق اشىلادى. جوو بىرنەشە كوممەرتسيالىق قىزمەتپەن (ستارتاپ كومپانيا، فاندرايزينگ) اينالىسا الادى.
ۇكىمەت وقۋ اقىسىن رەتتەمەۋى مۇمكىن.
مينيسترلىك وسىنشا وزگەرىس ۇسىنىپ وتىر.
مەنىڭشە، بۇل جوعارعى ءبىلىم جۇيەسىن نارىققا بەيىمدەۋدىڭ ەڭ ۇلكەن قادامدارى. قولدايمىن. سەبەبى باتىستا دا، شىعىستا دا ۋنيۆەر - ۇلكەن بيزنەسكە اينالدى. ال ونىڭ باسشىلارى بيزنەسى ولمەس ءۇشىن ءبىلىمدى ساپالى ەتىپ وتىرادى.
انگليانىڭ، باسقانىڭ بىرنەشە ءىرى جوو دۋبايدا، قىتايدا، افريكادا، مالايزيادا ءوز فيليالدارىن اشىپ تاستادى. وعان قوسا، ءجۇز مىڭداعان ازيالىق ستۋدەنتتەر جىل سايىن باتىس ۋنيۆەرلەرىندە وقۋعا كەتەدى.
الەمدە وسىنشا وزگەرىستەر ءجۇرىپ جاتقاندا، مينيسترلىك جوعارىداعى زاڭدى ەنگىزگەنىن نارىققا جاۋاپ دەپ ءتۇسىندىم. تەك ەندى وقۋ باعاسى ءوسۋى مۇمكىن. ول دا دۇرىس شىعار. سوندا ديپلومنىڭ قۇنى ارتار ما ەدى. ايتەۋىر ءبىر ديپلوم الۋىڭ مىندەت دەگەن ۇعىم كەتەر مە ەدى.
ايتپەسە، قازىر قاي ۋنيۆەر ءبىتىردىڭ، ماگيستر ديپلومىن الدىڭ با، ەش ايىرماسى قالماي بارا جاتىر...
نۇرمۇحاممەد بايعاراەۆ
Facebook-تەگى پاراقشاسىنان
