جۇما, 17 قىركۇيەك 2021
2615 5 پىكىر 2 مامىر, 2018 ساعات 08:59

ۇكىمەت باسشىسى بولا الماعان نيكول پاشينيان حالىقتى جاپپاي ەرەۋىلگە شاقىردى

ارمەنيا وپپوزيتسياسىنىڭ ليدەرى نيكول پاشينيان جاقتاستارىن ەرەۆان كوشەلەرى مەن اۋەجايدى جابۋعا شاقىردى. ارمەنيا پارلامەنتى سەيسەنبى كۇنى ونىڭ پرەمەر-مينيستر بولۋىنا قارسى داۋىس بەرگەن.

ارمەنيا پارلامەنتىندە 1 مامىردا نيكول پاشينياننىڭ كانديداتۋراسىن قولداپ 45 دەپۋتات داۋىس بەرسە، 55-ءى قارسى بولدى.

سول كۇنى كەشكىسىن ەرەۆاننىڭ رەسپۋبليكا الاڭىندا حالىق الدىندا سويلەگەن وپپوزيتسيا ليدەرى 2 مامىردان باستاپ جاپپاي ەرەۋىلدى جالعاستىرۋعا شاقىردى.

«ەرتەڭ ساعات 08:15-تەن باستاپ بارلىق كولىك جولدارى، اۋەجاي، تەمىر جولدارى جابىلادى. ءبىزدىڭ ءۇنىمىز جەڭىسسىز اياقتالماۋى ءتيىس. ەرتەڭنەن باستاپ جاپپاي ازاماتتىق بيلىككە باعىنباۋ قوزعالىسى باستالادى»، — دەپ مالىمدەدى پاشينيان. ول بەيبىت اكتسيا بولاتىنىن، پوليتسيانى كۇش قولدانباي، حالىقپەن بىرگە بولۋعا شاقىردى.

ارمەنيا زاڭىنا سايكەس، پارلامەنتتىڭ ارنايى وتىرىسىندا پرەمەر-مينيستر سايلانباسا، جەتى كۇننەن كەيىن جاڭا سايلاۋ ءوتۋى ءتيىس. ەگەر ەكىنشى رەت پرەمەر تاڭدالماسا، پارلامەنت تاراتىلىپ، جاڭا سايلاۋ وتەدى.

Abai.kz

5 پىكىر