كەشە پرەزيدەنت نۇرسۇلتان نازارباەۆ ءوزىنىڭ وتكەن جولعى اقش-قا ساپارى جايلى ءام ول جەردە پرەزيدەنت ترامپپەن نە جايلى سويلەسكەنى تۋرالى ايتىپ بەردى.

"وزدەرىڭىز بىلەسىزدەر، مەن امەريكادا ءىس-ساپاردا بولىپ قايتتىم. ول جەردە پرەزيدەنت دونالد ترامپ مەنەن: "سىزدەر قاي ەلدەرمەن ءدۇردازار بولىپ وتىرسىزدار؟" دەپ سۇرادى. مەن وعان قازاقستاننىڭ ەشبىر ەلمەن ارازدىعى جوق ەل ەكەنىن ايتتىم. سوندا ترامپ تاڭدانعان كەيىپپەن: "قاراڭىزدار، قازاقستاننىڭ ەشبىر ەلمەن ارازدىعى جوق ەكەن، ال بىزدە ىلعي بىتپەيتىن داۋ-جانجال" دەدى. قۇدايىم وسى كۇنىمىزدەن ايىرماعاي!", دەدى ەلباسى.

ايتا كەتەيىك، كەشە قازاقستان حالقى 1-مامىر بىرلىك كۇنىن اتاپ ءوتتى. 1995 جىل­دىڭ ناۋرىزىندا دۇنيەجۇزىنە ۇلگى بولىپ وتىرعان، ۇلتارالىق تاتۋ­لىق پەن تۇراقتىلىقتىڭ فەنومەنى – قازاقستان حالىقتارى اس­سامبلەياسى قۇرىلدى.

1 مامىردىڭ مەرەكەلەنۋ تاريحىنا، ونىڭ مازمۇنى مەن سيپاتىنا كوز جۇگىرتسەك، بۇل كۇن - تاۋەلسىز قازاقستاندا 1996 جىلدان باستاپ ەلباسى جارلىعىمەن قازاقستان حالقى بىرلىگى كۇنى رەتىندە اتالىپ ءوتىپ كەلەدى. دەگەنمەن، ودان ىلگەرىدەگى كەزەڭدە كەڭەس وداعىنداعى ەڭبەكشىلەردىڭ تاپتىق مەرەكەسى بولعان 1 مامىر تاۋەلسىز قازاقستاننىڭ تاريحىنا ەنگەندە مۇلدەم جاڭا­شا ءمان-ماڭىزعا يە بولعانى انىق. بۇل كۇنى ۇلىستار مەن ۇلتتاردىڭ بىرلىگى ۇلىقتالىپ، قازاقستانداعى بارلىق ۇلت وكىلدەرىن جۇمىلعان جۇدىرىقتاي تۇتاستىرۋعا ۇندەپ كەلەدى. ءسويتىپ مامىر مەيرامى بۇگىندە قازاقستان حالقىنىڭ بىرلىگى كۇنى دەگەن مازمۇندا جالعاسىن تا­ۋىپ، كوپەتنوستى ەلدىڭ تىنىشتىعى مەن تاتۋلىعىنىڭ نىشانىنا اينالدى.

Abai.kz