مامىر تۋا مەكتەپ تۇلەكتەرىنىڭ مازاسى كەتە باستايتىنى بەلگىلى. نەدەن دەيسىز عوي. ۇبتدان، ۇلتتىق بىرىڭعاي تەستىلەۋدەن.

بيىل سىناقتى 96 مىڭنان استام، ناقتى ايتساق، 96963 تۇلەك تاپسىرادى. سول 96 مىڭ تۇلەكتىڭ 73 مىڭى ۇبتنى قازاق تىلىندە، ياعني، مەملەكەتتىك تىلدە تاپسىرۋعا ءوتىنىش بىلدىرگەن. بۇل تۋرالى قر بعم «ۇلتتىق تەستىلەۋ ورتالىعى» رمقك ديرەكتورى رامازان الىمقۇلوۆ مالىمدەدى.

راسىندا، بۇل دەگەنىڭىز جالپى سىناق تاپسىرۋشىلاردىڭ 80 پايىزىن قۇرايدى. ال  بيىل مەكتەپ بىتىرەتىن تۇلەكتەر سانى 146 مىڭنان اسىپ جىعىلادى.

«ءبىلىم، اۋىل شارۋاشىلىعى، ۆەتەريناريا سالالارى بويىنشا 60 بال مينيمالدى شەكتەۋلى بال بولىپ سانالادى. ۇلتتىق ۋنيۆەرسيتەتتەردە - 65 بال. مەديتسينا بويىنشا 65 بال. ياعني، بۇرىنعىدان ەشقانداي وزگەرىس جوق»، - دەدى ول.

ۇلتتىق بىرىڭعاي تەستىلەۋ سۇراقتارىنىڭ 50 پايىزى جاڭارتىلعان. بىلتىر 40 مىڭ سۇراق بولعان ەكەن. ال بيىل تەستىلەۋ قورىندا 110 مىڭ سۇراق دايىندالعان. 3 مىڭ سۇراق اعىلشىن تىلىندە. 119 مىڭ سۇراقتىڭ ىشىندە 11 پايىزى فۋنكتسيونالدىق ساۋاتتىلىققا باعىتتالعان.

مۇرات راحىمجانوۆ

Abai.kz