دۇيسەنبى, 18 قازان 2021
3078 0 پىكىر 3 مامىر, 2018 ساعات 10:52

2023 جىلى تسيفرلاندىرۋ جوبالارىنان 380 ملرد تەڭگە پايدا تابامىز

قازاقستان تسيفرلاندىرۋ باعدارلاماسىن قولعا العانى ايتىلىپ ءجۇر. سونىڭ ىشىندە ترانسپورت پەن لوگيستيكانى تسيفرلاندىرۋ بارىسى جايلى قر ينۆەستيتسيالار جانە دامۋ ءمينيسترى جەڭىس قاسىمبەك ەگجەي-تەگجەيلى بايانداپ بەردى. بۇل تۋرالى primeminister.kz جازدى.

سونىمەن اۋەلى اقىلى جول جايلى ايتايىق. بيىل جالپى ۇزىندىعى 469 شاقىرىم بولاتىن استانا — تەمىرتاۋ، الماتى — قاپشاعاي جانە الماتى — قورعاس ۋچاسكەلەرىندە تولەم جۇيەسىن ەنگىزۋ جۇمىستارى جۇرگىزىلىپ جاتىر. اقى تولەۋ پۋنكتتەرى اقپاراتتىق جۇيە نەگىزىندە جۇمىس جاسايدى. ياعني، اۆتوماتتاندىرۋ جۇزەگە اسىرىلادى. اقى الۋ جانە جيناۋ، جولاۋشىلاردى جول جاعدايى تۋرالى اقپاراتتاندىرۋ جۇيەسى ەنگىزىلىپ جاتىر.

سونىمەن بىرگە، ءموبيلدى قوسىمشانى ازىرلەۋ، جول ءجۇرۋ كەزىندە بايلانىسسىز تولەم الۋ ءۇشىن RFID بەلگىلەردى جانە دە بەينە كامەرالاردى، مەتەورولوگيالىق ولشەۋ قۇرالدارىن، جۇرگىزۋشىلەرگە ارنالعان اقپاراتتىق تاقتالاردى ورناتۋ جۇمىستارى جۇرگىزىلىپ جاتىر.

ارنايى اۆتوماتتاندىرىلعان ولشەۋ قۇرالدارىن (ااوق) قولدانعان ەلدەردىڭ تاجىريبەسى كورسەتىپ وتىرعانداي، جۇيەنى ەنگىزۋدىڭ ءبىرىنشى جىلىندا قۇقىق بۇزۋشىلىق فاكتىلەرى 50–80%-كە تومەندەگەن. بيىل وسىنداي 12 جۇيەنى ىسكە قوسۋ جانە 2020 جىلعا قاراي ونىڭ سانىن 46-عا دەيىن جەتكىزۋ جوسپارلانىپ وتىر.

جول اكتيۆتەرىن باسقارۋ جۇيەسىن ەنگىزۋ جولداردىڭ جاعدايى تۋرالى ەگجەي-تەگجەيلى مالىمەتتەر نەگىزىندە جولداردى جوندەۋ جانە كۇتىپ ۇستاۋ جۇمىستارىن اتقارۋعا بولىنگەن شىعىنداردى وڭتايلاندىرۋعا مۇمكىندىك بەرەدى.

قالالارعا ارنالعان زكج نەگىزگى ءتورت كومپونەنتى انىقتالعان. ونىڭ ەكەۋى بارلىق وبلىس ورتالىقتارىندا مىندەتتى تۇردە ەنگىزىلۋى ءتيىس: «فوتو مەن ۆيدەو ارقىلى انىقتاۋ جۇيەسى» جانە «جولاۋشىلار كولىگىنە مونيتورينگ جاساۋ جانە ەلەكتروندى بيلەتتەرمەن قامتاماسىز ەتۋ جۇيەسى».

«جول قوزعالىستارىن باسقارۋ جۇيەسى» باعدارشامداردىڭ دىبىستىق باسقارۋ كومەگى ارقىلى قيىلىستاردان ءوتۋ مۇمكىندىكتەرىن ارتتىرۋعا ارنالعان.

«تۇراقتاردى باسقارۋ جۇيەسىنىڭ» باستى فۋنكتسياسى — جالپى جول-كولىك جاعدايىن قالىپقا كەلتىرۋ ءۇشىن ۇلكەن قالالاردىڭ تۇراق ورىندارىن پايدالانۋدى وڭتايلاندىرۋ.

تەمىرجول سالاسى دا اۆتوماتتاندىرىلادى

«تەمىرجول كولىگى سالاسىندا «قازاقستان تەمىر جولى» ۇك 2018–2022 جىلدارعا ارنالعان «تسيفرلىق تەمىرجول» باعدارلاماسىن قابىلدادى. باعدارلاما اياسىندا نەگىزگى 4 باعىت بويىنشا 21 جوبانى جۇزەگە اسىرۋ جوسپارلانىپ وتىر.

زكج ەنگىزۋ جانە كولىك سالالارىن تسيفرلاندىرۋ كەلەسى كورسەتكىشتەرگە قول جەتكىزۋگە ىقپال ەتەدى:

  • جولداعى كولىك اپاتتارى سانىن 8-10%-كە ازايتۋ;
  • جولداعى ءجۇرۋ ۋاقىتىن 20%-كە قىسقارتۋ;
  • اقپاراتقا قولجەتىمدىلىكتى 70%-كە كوتەرۋ;
  • زياندى شىعىنداردى 24%-كە ازايتۋ.

2023 جىلعا قاراي جوبالاردان تۇسەتىن جالپى ەكونوميكالىق تيىمدىلىك 380 ملرد تەڭگە بولادى دەگەن جوسپارىمىز بار. مىنە، مينيستر جەڭىس قاسىمبەكتىڭ ۇكىمەت جيىنىندا جاساعان بايانداماسىنىڭ قىسقاشى مازۇنى وسى بولدى.

Abai.kz

 

0 پىكىر