مەملەكەت باسشىسى دميتري مەدۆەدەۆتى رەسەي فەدەراتسياسى ۇكىمەتىنىڭ توراعاسى لاۋازىمىنا تاعايىندالۋىمەن قۇتتىقتادى.

«ءسىزدىڭ رەسەي ۇكىمەتىنىڭ باسشىلىعىنداعى قىزمەتىڭىز ەلىڭىزدىڭ ەكونوميكالىق تۇرعىدان ودان ءارى دامۋىن جانە حالىقتىڭ الەۋمەتتىك ءال-اۋقاتىنىڭ ارتا ءتۇسۋىن قامتاماسىز ەتەدى دەپ سەنەمىن.

ەلدەرىمىز اراسىنداعى تاتۋ كورشىلىك، ءوزارا قۇرمەت پەن تەڭ قۇقىلى ىنتىماقتاستىق قاعيداتتارىنا نەگىزدەلگەن ستراتەگيالىق قارىم-قاتىناستار الداعى ۋاقىتتا دا حالىقتارىمىزدىڭ يگىلىگى جولىندا نىعايىپ، ءارى قاراي دامي بەرەتىنىنە سەنىمدىمىن»، – دەلىنگەن جەدەلحاتتا.

قازاقستان پرەزيدەنتى نۇرسۇلتان نازارباەۆ د.مەدۆەدەۆكە دەنساۋلىق، اماندىق جانە جاۋاپتى مەملەكەتتىك لاۋازىمدا جاڭا جەتىستىكتەر، ال دوستاس رەسەي حالقىنا بەيبىتشىلىك پەن باق-بەرەكە تىلەدى.

سونداي-اق، مەملەكەت باسشىسى نۇرسۇلتان نازارباەۆ ارمەنيانىڭ جاڭا سايلانعان پرەمەر-ءمينيسترى نيكول پاشينياندى دا جەڭىسىمەن قۇتتىقتادى.

قازاقستان پرەزيدەنتى نۇرسۇلتان نازارباەۆ ن.پاشينياننىڭ باسشىلىعىمەن ارمەنيا ورنىقتى دامۋعا جانە ەل تۇرعىندارىنىڭ الەۋمەتتىك ءال-اۋقاتىن ارتتىرۋعا باعىتتالعان ساياساتتى جالعاستىرا بەرەتىنىنە سەنىم ءبىلدىردى.

«ەكى مەملەكەت اراسىندا قالىپتاسقان دوستىق پەن ءوزارا تۇسىنىستىك قاتىناستار قازاقستان مەن ارمەنيانىڭ ءوزارا ىقپالداستىعىن ءداستۇرلى سەرىكتەستىك رۋحىندا كەڭەيتە ءتۇسۋ ءۇشىن جانە حالىقتارىمىزدىڭ يگىلىگى جولىندا الداعى ۋاقىتتا دا بەرىك نەگىز بولا بەرەدى دەپ سەنەمىن»، – دەلىنگەن جەدەلحاتتا.

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە، مىنا پاراقشاعا جازىپ قالدىرىڭىز!

Abai.kz