سارسەنبى, 14 قاراشا 2018
601 0 پىكىر 14 مامىر, 2018 ساعات 08:43

پاريجدىكتەرگە شابۋىلداعان شەشەنستان تۋماسى ارنايى قىزمەتتىڭ باقىلاۋىندا بولعان

سەنبى كۇنى پاريج ورتالىعىندا حالىققا "اللاحۋ اكبار!" دەپ پىشاق الا جۇگىرگەن شەشەنستان تۋماسى حامزات ازيموۆ 2016 جىلدان بەرى راديكالدى يسلامشىلدار جاقتاسى رەتىندە پوليتسيانىڭ باقىلاۋىندا بولعان.

France Info باسىلىمىنىڭ حابارلاۋىنشا، ول فرانتسيا ازاماتتىعىن 2010 جىلى العان. حابارلارعا قاراعاندا، ازيموۆ 1997 جىلى 1 قاراشادا شەشەنستاندا تۋعان، ستراسبۋرگ ۋنيۆەرسيتەتىندە وقىعان.

شەشەنستان باسشىسى رامزان قادىروۆ ءوزىنىڭ Telegram-ارناسى ارقىلى ازيموۆتىڭ رەسپۋبليكادا دۇنيەگە كەلگەنىن، وندا 14 جىل تۇرعانىن راستادى. قادىروۆ جاس بالانىڭ راديكال اعىمنىڭ جەتەگىندە كەتۋىنە فرانتسيا جاۋاپتى دەپ ەسەپتەيدى.

ازيموۆتى پوليتسيا اتىپ ولتىرگەنگە دەيىن ول ءبىر ادامدى پىشاقتاپ ءولتىرىپ، ءتورت ادامدى جارالاپ ۇلگەرگەن.

شابۋىل پاريجدىك وپەرا عيماراتىنا جاقىن ماڭدا - فرانتسيا استاناسىنىڭ تۋريستەر كوپ جۇرەتىن اۋدانىندا تىركەلدى.

Abai.kz

0 پىكىر