قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆقا قاۋىپسىزدىك كەڭەسىن ءومىر بويى باسقارۋعا قۇقىق بەرەتىن زاڭ جوباسى ءبىرىنشى وقىلىمدا ماقۇلداندى. ماقۇلداعان ءام زاڭ جوباسىن قاراعان ءماجىلىس دەپۋتاتتارى. بۇل تۋرالى  Sputnik قازاقستان حابارلادى.

اتالعان زاڭ جوباسىنا سايكەس، قاۋىپسىزدىك كەڭەسى ىشكى ساياسي تۇراقتىلىقتى ساقتاۋ، كونستيتۋتسيالىق قۇرىلىستى، مەملەكەتتىك تاۋەلسىزدىكتى، اۋماقتىق تۇتاستىعىن قورعاۋ ماقساتىندا ۇلتتىق قاۋىپسىزدىك پەن قورعانىس قابىلەتىن قامتاماسىز ەتۋ سالاسىندا بىرىڭعاي مەملەكەتتىك ساياساتتى ىسكە اسىرۋدى ۇيلەستىرەتىن كونستيتۋتسيالىق ورگان بولىپ تابىلادى.

سونداي-اق، قازاقستان رەسپۋبليكاسىنىڭ ادىلەت ءمينيسترى مارات بەكەتاەۆ نازارباەۆقا قاۋىپسىزدىك كەڭەسىن ءومىر بويى باسقارۋعا قۇقىق بەرەتىن زاڭ جوباسى وتكەن جىلى بەلگىلەنىپ قويعانىن ءتۇسىندىردى.

سونىمەن، «قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» كونستيتۋتسيالىق زاڭعا ەنگىزىلگەن وزگەرتۋلەرگە سايكەس تۇڭعىش پرەزيدەنت «ءوزىنىڭ تاريحي ميسسياسىنا بايلانىستى» قاۋىپسىزدىك كەڭەسىن ءومىر بويى باسقارۋعا قۇقىلى.

ايتا كەتەيىك، 2017 جىلدىڭ جەلتوقسانىندا نازارباەۆ قول قويعان تۇزەتۋلەرگە وزگەرىستەر ەنگىزىلدى.

Abai.kz