سارسەنبى, 7 جەلتوقسان 2022
46 - ءسوز 3244 5 پىكىر 31 مامىر, 2018 ساعات 07:47

"زوبالاڭ كەزەڭدى" بۇۇ، ەۋروپارلامەنت دارەجەسىندە مويىنداتۋىمىز كەرەك

مەنىڭ ويىمشا، 1931-1933 جىلعى اشارشىلىقتى ستاليندىك-بولشەۆيكتىك جۇيەنىڭ باسقا دا قىلمىستارىنان ءبولىپ الىپ كورسەتۋ مۇمكىن ەمەس.
شىنداپ كەلەتىن بولساق بۇل زۇلمات - 1916 جىلعى كوتەرىلىستەن باستالىپ، ۇزىلمەي جالعاسقان قازاققا قارسى، ادامگەرشىلىككە قارسى جاسالعان وتارشىلدىق قىلمىس. ياعني بۇنىڭ بارلىعىن كەشەندى تۇردە قاراستىرۋ قاجەت.

ايتپاعىم: وسى 2018 جىلى ءبارىمىز جابىلىپ 1916-1933 جىلدار ارالىعىنداعى زۇلمات، تاريحتاعى “القاكول سۇلاما” دەگەن سياقتى زوبالاڭ كەزەڭ دەگەندى ناسيحاتتاپ، عىلىمي، اقپاراتتىق تۇرعىدان ناسيحاتتاپ، زاڭداستىرىپ كورسەك.

جانە دە بۇنى وزگە تىلدەرگە اۋدارۋدىڭ قاجەتى جوق. زۇلمات دەپ الىپ، وزگە تىلدەرگە دە ەنگىزىپ كورۋ قاجەت. ەۆرەيلەر ءوز تراگەدياسىن حولوكوست دەپ الەمگە مويىنداتتى. ۋكرايندار گولودومور دەپ الىپ، بۇۇ، ەۋروپارلامەنت دارەجەسىندە دالەلدەدى. بىزدەر دە وسىعان ۇمتىلۋىمىز قاجەت.

جانە دە مىنانى ءۇستى-ءۇستى ايتا بەرۋىمىز قاجەت: ۇلت تراگەدياسىن، قازاق قاسىرەتىن ايتقاندا بىزدەر بىرەۋدەن كەك الۋ ءۇشىن ايتىپ جاتقان جوقپىز. بۇل اتا-بابالار، ارۋاقتار الدىنداعى پەرزەنتتىك، ۇرپاقتىق پارىزىمىز. بۇنى باسقاعا قايتالاپ، قان قاقساتۋ ءۇشىن ەمەس، ۇىمتپاۋ، قايتالاتقىزباۋ ءۇشىن ايتىپ وتىرمىز.

تاريح تەك مەيرامنان، جەڭىستەردەن قۇرالمايدى. ۇلتتىڭ ۇلىلىعى، زيالىلىعى تراگەديادان ساباق الا الۋىندا. ءبىزدىڭ ۇلت رەتىندەگى وتارسىزدانۋىمىزدىڭ قاعيداسى بىرەۋ: ءبىز قۇل ەمەسپىز، ەندى ەشقاشان قۇل بولمايمىز، ەشكىمدى قۇل قىلعىمىز كەلمەيدى.

ايدوس سارىم

Abai.kz

5 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2530
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1548
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1815