بۇل ىندەتتى قازاق بۇعان دەيىن نەگە بىلمەدى؟ جىلدا بالەنباي ادام وسى اۋرۋدان كوز جۇماتىن بولسا، نەگە بيىل عانا شۋلاپ جاتىرمىز؟ ساۋال كوپ! جاۋاپ جوق...

رەسمي ماردىمدى جاۋاپ بولماعاننان كەيىن ەل مۇنى تابيعي دەرت رەتىندە ەمەس، "ساياسي ىندەت" دەپ قاراپ، مىنانداي ءۇش بولجام جاساۋعا ءماجبۇر.

ءبىرىنشىسى - ۆيرۋس تاراتۋ ارقىلى بيزنەس جاساۋدى كوزدەگەن استىرتىن توپ بار. داقپىرت تاراتۋ ءxام قۇرباندىق جاساۋ ارقىلى ولار جان سانىنا 22-25 مىڭ تەڭگەدەن اقشا ءوندىرىپ، ادام ءومىرىن تابىس كوزىنە اينالدىرماقشى.

ەكىنشى نۇسقا - قىتاي مەن رەسەي! بىلتىر گەپتيلگە بوكتىرىپ، بار بوكەنىمىزدى قىرعان رەسەي ەندى سول ءتاسىلدى ادامدارعا قولدانا باستاسا كەرەك. رەسەي پوليگوندارىن جاپپاي قازاقتىڭ كۇنى شىقپايدى.

جالپى، بۇل ينفەكتسيامەن ۋلانعاندار رەسەيدە دە از ەمەس ەكەنىن ەسكەرتە وتىرىپ، كىنانى قىتايعا بۇراتىندار جەتەرلىك. "قىتاي كەنە قاپتاتىپ، مينينگوكك ىندەتىن جىبەرگەن" دەسەدى جۇرت. "وعان قازاقتىڭ قىتايعا جاساعان سوڭعى قارسىلىقتارى، جەرىن جالعا بەرمەۋى سەبەپ" دەيتىن پىكىر دە توبە كورسەتەدى.

ءۇشىنشى نۇسقا - ء"بىزدىڭ بيلىكتىڭ "تۇراقتىلىقتى", ارينە ءوزىنىڭ تۇراقتىلىعىن ساقتاپ قالۋ ءۇشىن اۋرۋ تاراتىپ، ەلدىڭ نازارىن باسقا جاققا اۋدارتۋعا تالپىنىپ جاتقان ساياسي تەxنولوگياسى" دەگەنگە سايادى.

سوڭعى نۇسقانىڭ ادامدى يلاندىرار دايەكتەرى جەتەرلىك.

1. ساياسي تىعىرىققا تىرەلگەن بيلىك ەلدىڭ نازارىن قاي كەزدە دە باسقا جاققا اۋدارىپ جىبەرۋگە داعدىلانعانى ەلگە ءمالىم. شىمكەنتتەگى سپيد-ءتى عانا ەسكە سالساق جەتكىلىكتى بولار. قازىر بيلىكتىڭ ساياسي كريزيستە وتىرعانىن دالەلدەپ اۋرە بولماي-اق قويالىق.

2. ەل ىشىندە كوتەرىلىستىك كوڭىل كۇي ورنىعا باستادى. ءبىر عانا تەلەگرام جەلىسىندە ءابلازوۆتىڭ اڭگىمەسىن تىڭداۋعا ۇيمەلەگەندەردىڭ سانى 100 مىڭ ادامنان اسىپ كەتكەن.

3. جەر تۋرالى زاڭ قابىلدانىپ كەتتى.

4. قىتايداعى قانداستاردىڭ جايى شەكتەن شىعىپ، دۇربەلەڭ تۋعىزۋدىڭ الدىندا تۇر.

5. اقش-تىڭ سانسىز سانكتسيالارىنىڭ توپەۋىنىڭ استىندا قالعان وداقتاسىمىز رەسەيدىڭ جاعدايى جانە اسەر ەتپەي قويمايدى.

6. ساياي كلاندار ەندى ءبىر ادامنىڭ دەگەنىنە كونىپ وتىرسا، قولدارىنداعى بارىنان ايرىلارىن انىق سەزىنە باستادى.

7. وسىنداي سانسىز سەبەپتەر بيلىكتى كەشكى ۋاقىتتا ينتەرنەت جەلىلەرىن باياۋلاتۋعا ماجبۇرلەپ وتىر.

كولەڭكەسىنەن قورىققان ولار xالىقتىڭ كوشەگە شىعىپ كەتپەۋى ءۇشىن كەز-كەلگەن قۇرباندىققا بارۋعا دايار.

مىنا ىندەتتى الماتىدا تاراتىپ وتىرۋدىڭ وزىندە وسىنداي استار بولسا كەرەك.

ارينە، مۇنىڭ ءبارى مەنىمەن سوڭعى كۇندەردە سويلەسكەن دوستارىمنىڭ، ياعني xالىقتىڭ ءبىر بولشەگىنىڭ پىكىرى. بيلىك تاراپىنان ىندەتتى جويۋ باعىتىندا ەشقانداي ارەكەت بولماعاندىقتان ەل اراسىندا مۇنداي سوزدەردىڭ، بولجامداردىڭ، بايلامداردىڭ كوبەيەتىنى انىق.

سوندىقتان دا ونى قىسقاشا جازىپ، سىزدەرمەن بولىسكەندى ءجون سانادىم. سىزدەردىڭ دە ويلارىڭىزدى بىلە وتىرساق.

كەشە عانا "بىزدە ساياسي قۋعىن-سۇرگىن بولعان ەمەس" دەگەن مالىمدەمە نە ءۇشىن جاسالدى؟ بۇل دا سانالى ادامدى ويلاندىرماي قويمايدى.

شىندىعىندا سابيلەردىڭ مەزگىلسىز قازاسىمەن ساياسي ويىن وينالا باستاسا، وعان جاۋاپ بەرۋدىڭ دە كەزەگى كەلەرىن ۇمىتپاعان ءجون.

قانات بىرلىكۇلى

Abai.kz