سينگاپۋرعا كەتىپ بارا جاتىپ، ترامپ كوڭىل-كۇيىنىڭ جارقىن ەكەنىن مالىمدەدى. ول كيممەن كەزدەسكەن العاشقى مينوتتەردە-اق سولتۇستىك كورەيا ليدەرىنىڭ كەلىسىمگە كەلۋگە دايىن، دايىن ەمەس ەكەنىن سەزەتىنىن جەتكىزگەن. ەگەر جوق بولسا، كەلىسسوزگە ۋاقىتىمدى شىعىندامايمىن دەپ ۋادە بەردى ترامپ.
اقش پەن سولتۇستىك كورەيا باسشىلارىنىڭ كەزدەسۋ مۇمكىندىگى بيىل ناۋرىز ايىندا جاريا ەتىلگەن. كوپتەگەن ديپلوماتتار وسىدان كەيىن ءارتۇرلى بولجامدار ايتىپ، كەزدەسۋدىڭ بولاتىنىنا كۇمانداعان.
بيىل ءساۋىر ايىندا اقش-تىڭ ورتالىق بارلاۋ باسقارماسىنىڭ ديرەكتورى مايك پومپەو كيم چەن ىنمەن قۇپيا كەزدەسكەن. كەيىن 9 مامىردا ول اقش مەملەكەتتىك حاتشىسى رەتىندە سامميتكە دايىندىق بارىسىمەن رەسمي تۇردە پحەنيانعا باردى.
بۇل ساپار كەزىندە سولتۇستىك كورەيادا ۇستالعان ءۇش امەريكالىق ازامات بوساتىلعان.
