دۇيسەنبى, 25 ماۋسىم 2018
1805 13 پىكىر 13 ماۋسىم, 2018 ساعات 11:47

قىتايدان الاتىن $300 ملن قارىز قايدا جۇمسالادى؟

قازاقستاننىڭ قارجى ءمينيسترى باقىت سۇلتانوۆ 12 ماۋسىمدا قىتاي ۇكىمەتىنىڭ قازاقستانعا بەرىپ جاتقان ۇزاقمەرزىمدى قارىزى ەلدىڭ سىرتقى قارىزىن ۇلعايتپايدى دەپ مالىمدەدى.

«بۇل ۇزاقمەرزىمدى نەسيە. قارجىلىق شارتى ءالى تالقىلانادى. الدىن الا كەلىسىم بويىنشا ەكى پايىزبەن بەرىلەدى. بۇل وتە ارزان نەسيە» دەپ مالىمدەگەن قارجى ءمينيسترى. «ينتەرفاكس-قازاقستان» اگەنتتىگىنىڭ حابارلاۋىنشا، اڭگىمە 100 ميلليارد تەڭگە (300 ميلليون دوللار) قارىز جايىندا.

سۇلتانوۆتىڭ ايتۋىنشا، قىتاي بۇل نەسيەنى ەلدەگى كەدەن بەكەتتەرىن مودەرنيزاتسيالاۋعا بەرىپ جاتىر. اتاپ ايتقاندا قازاق-وزبەك شەكاراسىنداعى كەدەن بەكەتتەرى جوندەۋدەن وتپەك.

قازاقستان پرەزيدەنتى نۇرسۇلتان نازارباەۆتىڭ قىتايعا ساپارى بارىسىندا ەكى ەل ۇكىمەتى اراسىندا ونداعان قۇجاتقا قول قويىلدى. ونىڭ ىشىندە جەڭىلدەتىلگەن نەسيە بەرۋ دە بار.

وسى ساپار بارىسىندا قىتاي تارابى قازاقستانعا ينفراقۇرىلىم جوباسىنا 727 ميلليون دوللار قارىز بەردى دەگەن اقپارات تاراعان.

Abai.kz

13 پىكىر