الماتى قالاسىندا بالالار ءۇيىنىڭ اراسىندا ۇزدىك كوماندا انىقتالدى. ۇيىمداستىرۋشىلارى «Baurzhan Foundation» جەكە قورى، «تسەسنابانك» اق، قازاقستاننىڭ فۋتبول فەدەراتسياسى جانە «نۇر وتان» پارتياسى بولىپ تابىلاتىن 6 ارمانىڭا جاقىندا بالالار ءۇيى اراسىنداعى چەمپيوناتتىڭ 2018 جىلعى جەڭىمپازدارى سەمەي قالاسىنىڭ №8 بالالار ءۇيىنىڭ كومانداسى اتاندى.

2 ايعا سوزىلعان  بالالار ءۇيىنىڭ اراسىندا وتكەن فۋتبول دوداسىنىڭ بۇگىن نۇكتەسى قويىلىپ، جەڭىمپازدارى انىقتالدى. 6 جىل قاتارىنان وتكىزىلەتىن چەمپيوناتتىڭ باس جۇلدەسى بيىل - فرانتسيا استاناسى پاريجدە ورنالاسقان «پارك دە پرەنس» ستاديونىنا «پاري سەن-جەرمەن» فۋتبول كلۋبىمەن كەزدەسۋگە جولداما.

سەمەي قالاسىنىڭ №8 بالالار ءۇيىنىڭ كومانداسى مەن الماتىلىق «بارىستىڭ» اراسىنداعى تارتىسقا تولى فينالدىق ويىن سەمەيلىكتەردىڭ پايداسىنا 2:1 ەسەبىمەن شەشىلگەن بولاتىن. ماتچتان كەيىنگى پەنالتي سەرياسى بويىنشا كومانداعا جەڭىس اكەلگەن گولدىڭ اۆتورلارى- ماديار شاريپوۆ پەن لەونيد گونچاروۆ.

«ءبىز چەمپيوناتقا ءبىر جىلدان استام ۋاقىت بويى دايىندالدىق. سوندىقتان جەڭىستىڭ بىزدىكى بولۋى ءتيىس ەكەندىگى ءسوزسىز. قارسىلاستارىمىزدىڭ مىقتىلىعىنا قاراماستان، ۇزدىك ەكەنىمىزدى دالەلدەي بىلدىك. ەندى نەيمارمەن كەزدەسۋگە اسىقپىز»- لەونيد گونچاروۆ «سەمەي» كومانداسىنىڭ كاپيتانى.

بيىل پاريجگە جولداما ءۇشىن ماۋسىمنىڭ 19-ى مەن 22 ارالىعىنداعى فينالدىق كەزەڭدە ەلىمىزدىڭ 8 ايماعىنان 9 كوماندا سىنعا تۇسكەن بولاتىن. ال سوڭعى فينالدىق ويىن №1 الماتى وبلىستىق بالالار ءۇيىنىڭ «بارىس» كومانداسى مەن سەمەي قالاسى № 8 بالالار ءۇيىنىڭ «سەمەي» كومانداسى اراسىندا ءوتتى. ءدال وسى كوماندالارعا 2018 جىلدىڭ چەمپيوندارىن انىقتاۋ جۇكتەلگەن ەدى.

ا.ساليمباەۆا  جوبا جەتەكشىسى: -فۋتبولدا  شەكارا بولماۋى ءتيىس!- ءدال وسىنى 6 جىل قاتارىنان ارمانداردى ورىنداپ كەلە جاتىرعان تۋرنير قاتىسۋشىلارى دالەلدەپ ءجۇر. الەمدىك فۋتبول كلۋبتارنىڭ ويىنشىلارىمەن كەزدەسۋ «ارمانىڭا جاقىندا» چەمپيوناتىنىڭ جەڭىمپازدارى ءۇشىن قازىرگى تاڭدا ۇلكەن مۇمكىندىك بولىپ وتىر.  6 جىل ۋاقىتتىڭ ىشىندە 11 مەن 15 جاس ارالىعىنداعى 2000 جۋىق قاتىسۋشى سپورت الەمىنە ءبىر قادام جاقىنداسا، ولاردىڭ 56-سىنىڭ ارماندارى شىندىققا اينالىپ، وزدەرىنىڭ كۋميرلەرى-  «بارسەلونا»، «ميلان»، «چەلسي»  ، باۆاريا»، «اتلەتيكو مادريد»- سىندى كلۋبتارمەن كەزدەسۋگە قول جەتكىزدى.

ەكى كوماندانىڭ ويىنشىلارى دا ەڭ الدىمەن جانكۇيەرلەرىنە ادەمى ويىننىڭ كۋاسى بولۋ مۇمكىندىگىن سىيلادى. جەڭىمپازدار كۋبوكپەن قاتار پاريجگە جولداماعا يەلەنەتىن بولعاندىقتان، الاڭداعى كوڭىل-كۇي مەن ويىن بارىسى الەمدىك چەمپيوناتتارمەن تەڭ بولدى. كوماندالار بار كۇشىن سالىنعانىمەن، سەمەيلىكتەردىڭ باعى شاۋىپ، جەڭىمپاز اتاندى.

«ارينە، الماتىنىڭ كومانداسىنىڭ دايىندىقتارى مەن شەبەرلىكتەرىنىڭ دەڭگەيى جاقسى، دەگەنمەن ءبىزدىڭ بالالار وزدەرىنىڭ مىقتىلىقتارىن دالەلدەپ وتىر. ءبىزدى جەڭىسكە اكەلگەن الدىمەن ءتارتىپ پەن كوماندالىق رۋحتىڭ مىقتىلىعى» -نۇرلان اكينجانوۆ، سەمەي كومانداسىنىڭ جاتتىقتىرۋشىسى

فۋتبول ارداگەرى قۇرالبەك ورداباەۆ جاس ويىنشىلارعا قولداۋ كورسەتىپ، قۇتتىقتاۋ سوزدەرىن جەتكىزدى:

-مەن سىزدەردەي ۇمتىلىسى مىقتى، سپورتشىلاردىڭ ءوسىپ كەلە جاتىرعانىنا قۋانىشتىمىن، جانە ەلىمىزدىڭ بولاشاعى ءۇشىن ماقتانىش سەزىمى كەرنەپ وتىر. قازىرگى تاڭدا وسى الاڭدا تۇرعانداردىڭ بارلىعى جەڭىمپاز.

پاۆلودارلىق «كەنجەكول» مەن اقكول قالاسىنىڭ «ارىستان» كوماندالارى اراسىنداعى ماتچ چەمپيوندىق تيتۋلعا بولماسا دا، قولا مەدالعا تارتىس قىزۋ وتكەن بولاتىن. ناتيجەسىندە 3:2 ەسەبىمەن پاۆلودارلىق بالالار 3 ورىندى قانجىعالارىنا بايلادى. جالپى ويىن قورىتىندىسى بويىنشا ءتۋرنيردىڭ ۇزدىك ويىنشىلارى انىقتالىپ، كۋبوك پەن دەمەۋشىلەردەن قۇندى سىيلىقتار تارتۋ ەتىلدى.

«ۇزدىك قاقپاشى»- ۆلاديمير حۆاستانتسەۆ، «بەركۋت» رۋدنىي بالالار ءۇيى، كوستاناي وبلىسى

«ۇزدىك قورعاۋشى»- ەدۋارد رەپياح، «ارىستان» № 1 بالالار ءۇيى، اككول ق، اقمولا وبلىسى

«ۇزدىك جارتىلاي قورعاۋشى» - يليا دولينسكي،  كەنجەكول اۋىلىنىڭ وتباسى ۇلگىسىندەگى بالالار اۋىلى، پاۆلودار وبلىسى

«ۇزدىك شابۋىلشى»- - ەگور كونوۆالوۆ «تانشولپان» قاراعاندى وبلىستىق بالالار ءۇيى

«ۇزدىك بومباردير» - بوگدان باجەنوۆ «سەمەي»، № 8 بالالار ءۇيى سەمەي ق، شقو

«ۇزدىك ويىنشى »-ارتەم وسمانوۆ، «بارىس» №1 الماتى وبلىستىق بالالار ءۇيى

«ۇزدىك كاپيتان»- ۆياچەسلاۆ تۋرسىنوۆ، «اتامەكەن»، كىزىلوردا وبلىستىق وتباسى ۇلگىسىندەگى بالالار اۋىلى

«جەڭىسكە دەگەن ۇمتالىسى ءۇشىن» (ەڭ جاس ويىنشى) - اربي رەزانتسەۆ، «فاكەل»، ليتۆين شكولا-ينتەرنات، كاراگاندى وبلىسى

بۇل چەمپيونات «Baurzhan Foundation» جەكە قورى، «تسەسنابانك» اق، قازاقستاننىڭ فۋتبول فەدەراتسياسى جانە «نۇر وتان» پارتياسىنىڭ قولداۋىمەن  2013 جىلدان باستاپ ۇيىمداستىرىلىپ كەلەدى. باستى ماقسات - جەتىم جانە اتا-اناسىنىڭ قاماقورلىعىنان ايىرىلعان بالالاردىڭ اراسىنان فۋتبول شەبەرلدەرىن دامىتىپ، قازاقستاننىڭ فۋتبولىن دامىتۋ.

وسى جىلى چەمپيوناتتىڭ قازاقستان بويىنشا ىرىكتەۋ كەزەڭىنە 8 ايماقتان 20-دان استام كوماندا قاتىسقان ەدى. ميلليونداردىڭ سۇيىكتى ويىنىندا ەلىمىزدىڭ بالالار ءۇيىنىڭ 300-گە جۋىق  تاربيەلەنۋشىلەرى 2 ايدا ءوزدىرىنىڭ شەبەرلىكتەرىن، جەڭىسكە دەگەن ۇمتىلىستارىن كورسەتتى.

2013 جىلدان باستاپ چەمپيوناتتتىڭ باس جۇلدەسى الەمنىڭ ۇزدىك فۋتبول كلۋبتارىنا جوداما. ياعني بالالار شەتەلدىك فۋتبولشىلارمەن كەزدەسۋ مۇمكىندىگىنە يە بولادى.

Abai.kz