اقپاراتتى الدىمەن مەملەكەتتىك تىلدە جاريالاۋ كەرەك!
ءيا، رەسمي اقپاراتتى الدىمەن مەملەكەتتىك تىلدە جاريالاۋ كەرەك! اۋدارۋ كەرەك بولسا، قازاقشادان اۋدارىلسىن!
ادەتتە قازاق وپپوزيتسياسى باتىس ەلدەرىنە بارا قالسا، كرەملدىك جانە ىشتەگى پروكرەملدىك كۇشتەر مەن باق "ولار باتىسقا ساتىلىپ كەتكەن" دەپ شۋ ەتە قالاتىن ەدى. ماسەلەن، ەۋرووداق پەن ەۋروپارلامەنتتە "اشارشىلىق" تاقىرىبىن كوتەرىپ ەدىك، ول باستامامىزدى سىن تەزىنە الىپ، "قايداعى-جايداعىنى ەسكە الىپ، قازاقستان مەن رەسەي اراسىنا سىنا قاعىپ جاتىر" دەپ ايىپتادى. ءستاليننىڭ ادۆوكاتتارى ءالى دە ارامىزدا بار ەكەن!
"جاڭا قازاقستان" فورۋمىنىڭ ۆاشينتونعا ساپارى تۋرالى اقپاراتتى تەك مەملەكەتتىك تىلدە بەرگەن بولاتىنبىز.
وندا ءبىز اقش-تا كوتەرگەن بيلىك ءترانزيتى، اشارشىلىق پەن جاڭاوزەن، بۇگىنگى ساياسي تۇتقىندار، قىتايداعى قازاقتار جاعدايى وزەكتى تاقىرىپتاردى اقش سەناتى، كونگرەسى جانە مەملەكەتتىك دەپارتامەنتىندە قوزعاعانىمىزدى قالىڭ قازاق قولداپ وتىرعانى كورىپ وتىرمىز.
الدىمەن ورىسشا بەرگەندە، پروكرەملدىك كۇشتەر باياعىدا-اق ۋلاپ-شۋلاپ، ءبىزدى جامانداپ شىعار ما ەدى؟
ءامىرجان قوسانوۆ، ساياساتكەر،
Abai.kz
