قازاقستاندىقتاردىڭ 90 پايىزى ءدىن ىستەرى جانە ازاماتتىق قوعام مينيسترلىگىنىڭ ءدىن سالاسىندا جۇرگىزىپ جاتقان مەملەكەتتىك ساياساتىن قولدايدى.

"بۇگىندە ادامداردىڭ دەنى ءداستۇرلى ءدىندى راديكالدى يدەولوگيادان ايىرا بىلەدى. ساۋالناما ناتيجەسى كورسەتكەندەي، قازاقستاندىقتاردىڭ 90 پايىزى ءدىن سالاسىنداعى مەملەكەتتىك ساياساتتى قولداپ وتىر، دەسترۋكتيۆتى ءدىني اعىمدارعا قارسى", — دەدى مينيستر.

ەرمەكباەۆ ءبىر جىل ىشىندە اتقارىلعان جۇمىس ءدىن سالاسىنداعى جاعدايدى جاقسارتۋعا، ساراپشىلارمەن جانە ءدىن باسىلارمەن وزەكتى ماسەلەلەر بويىنشا ديالوگ ورناتۋعا مۇمكىندىك بەرگەنىن اتاپ ءوتتى.

"بيىل بۇل پوتەنتسيالدى بىرلەسىپ دامىتۋ وتە ماڭىزدى. ەڭ اۋەلى ءبىز ۇسىنعان زاڭ جوباسىنىڭ جۇمىسىن اياقتاۋ قاجەت. ول مينيسترلىككە ەمەس، قازاقستاندىقتاردىڭ قاۋىپسىز جارقىن بولاشاعى ءۇشىن قاجەت. القاعا قاتىسىپ وتىرعان دەپۋتاتتار دا بۇل پوزيتسيانى قولدايدى دەگەن ۇمىتتەمىز", — دەدى ۆەدومستۆو باسشىسى.

سونىمەن قاتار مينيستر اقپارات توپتارىنىڭ جۇمىسىن جاڭا دەڭگەيگە كوتەرۋگە كەرەك ەكەنىن ايتتى. ول ءۇشىن اقپاراتتىق-ناسيحات جۇمىسىن دامىتۋدىڭ جول كارتاسىن ازىرلەۋ قاجەت.

"اقپارات توپتارى ادامدارمەن تىعىز قارىم-قاتىناستا، ءتۇرلى اۋديوريامەن جۇمىس ىستەيدى. ال جۇمىس كەي كەزدە قاتىپ قالعان شابلون بويىنشا، ەسكى ادىسپەن جۇرگىزىلەدى. بارلىق اۋديتورياعا ءبىر ءدارىس وقىلىپ، رەسمي كەزدەسۋلەر وتكىزىلەدى دە، جۇمىس جۇرگىزىلىپ وتىرعان ءوڭىردىڭ ەرەكشەلىگىنە ەسكەرىلمەيدى. سوندىقتان ءدارىس وقيتىندار لەكتورلاردىڭ اقپاراتتىق جانە كوممۋنيكاتيۆتى تەحنولوگيالارى بولۋى كەرەك، اۋديتورياعا قاراپايىم تۇسىنىكتى تىلمەن ۇعىندىرۋى ءتيىس. ول ءۇشىن ءبىز اقپاراتتىق-ناسيحات جۇمىسىن دامىتۋدىڭ جول كارتاسىن ازىرلەۋىمىز كەرەك",- دەدى ول.

كارتانىڭ نەگىزگى تارماقتارىنىڭ ءبىرى لەكتورلاردى دايىنداۋ مەن قايتا دايارلاۋ ورتالىعىن قۇرۋ بولماق. ورتالىق لەكتورلار قۇرامىن دايارلاپ قانا قويماي، ولاردىڭ جۇمىسىن باقىلايدى، اتتەستاتسيا جۇرگىزىپ، رەيتينگ جاسايدى.

"لەكتورلار رەيتينگكە سايكەس ەڭبەگىنە قاراي اقى الۋى كەرەك. ورتالىق جەرگىلىكتى سپەفيكانى ەسەپكە الىپ، پروفيلاكتيكالىق جۇمىستىڭ الگوريتمىن ازىرلەۋى ءتيىس", — دەدى مينيستر.

اتىراۋ وبلىستىق اتت مۇشەلەرىنە ارنالعان دىنتانۋلىق بىلىكتىلىگىن ارتتىرۋعا باعىتتالعان وقىتۋ-سەمينارى ءوتتى. «ءدىن سالاسىنداعى ماقساتتى اۋديتوريامەن جۇمىس جۇرگىزۋدىڭ وزەكتى ماسەلەلەرى» تاقىرىبى بەرىلگەن بۇل وقىتۋ-سەمينار تەولوگتاردىڭ وزىق ءىس-تاجىريبەلەرىن تىڭداۋعا باعىتتالدى.

اتىراۋ وبلىسى ءدىن ىستەرى باسقارماسىنىڭ قولداۋىمەن «شاپاعات» دەسترۋكتيۆتىك ءدىني اعىمداردان جاپا شەككەندەرگە كومەك قوعامدىق قورى ۇيىمداستىرعان شاراعا «شاپاعات» ورتالىعىنىڭ ديرەكتورى، تەولوگ ق.جۇماعۇل، ديرەكتور ورىنباسارى، تەولوگ ا.اتاشەۆ، تەولوگ مەيىرجان راحماتۋللا، اقپاراتتىق-تالداۋ ورتالىعىنىڭ باسشى م.ا، تەولوگ س.تولەگەنوۆ، اقپاراتتىق-تالداۋ ورتالىعىنىڭ تەولوگ م.دوساناليەۆ جانە وزگە دە مەكەمە قىزمەتكەرلەرى، اتت مۇشەلەرى قاتىستى.

شارانى اتىراۋ وبلىسى ءدىن ىستەرى باسقارماسىنىڭ ءبولىم باسشىسى ق.مۋساەۆ اشىپ، اتت مۇشەلەرىمەن ءدىن سالاسىنداعى كۇردەلى باعىتتاردا جۇرگىزىلەتىن جۇمىستاردىڭ جانە ماقساتتى اۋديتوريامەن جۇمىس جۇرگىزۋ بارىسىندا تۋىندايتىن پروبلەمالاردى ايقىنداپ، قولدانىلاتىن پروفيلاكتيكالىق تاسىلدەردى ناقتىلاۋ ماقساتىندا جينالىپ وتىرعاندىعىن ايتىپ، ماماندارعا ءسوز كەزەگىن جولدادى

«شاپاعات» ورتالىعىنىڭ ديرەكتورى، تەولوگ ق.جۇماعۇل «حالىقتىڭ ءدىني-تانىمدىق ساۋاتتىلىعىن ارتتىرۋ ماسەلەلەرى»، «شاپاعات» ورتالىعىنىڭ تەولوگى مەيىرجان راحماتۋللا، «مۇسىلمانشىلىق كوزقاراس بويىنشا جان كۇيزەلىسى پروبلەمالارىن شەشۋ جولدارى»، «شاپاعات» ورتالىعىنىڭ ديرەكتور ورىنباسارى، تەولوگ ا.اتاشەۆ «ءدىن سالاسىنداعى مەملەكەتتىك ساياساتتى تۇسىندىرۋدە باق پەن ينتەرنەت پايدالانۋ تاسىلدەرى» تاقىرىپتارىندا بايانداما جاسادى.

اقپاراتتىق-تالداۋ ورتالىعىنىڭ تەولوگ م.دوساناليەۆ مەكتەپتە وتەتىن جيىن-كەزدەسۋلەردە وقۋشىلاردىڭ ءوزىن ەركىن سەزىنىپ، ويدا جۇرگەن سۇراقتارىن شەكتەمەي، باتىل وي ءبىلدىرۋ ءۇشىن مەكتەپ اكىمشىلىگىنىڭ قاتىستىرماۋ جونىندە ۇسىنىس ايتسا، اقپاراتتىق-تالداۋ ورتالىعىنىڭ باسشى م.ا، تەولوگ س.تولەگەنوۆ وسى ويدى جالعاي كەلە سول وقۋشىلاردىڭ اتا-انالارىمەن كوبىرەك جۇمىس جاساۋ جانە اتا-انالارعا ارنالعان بۇكتەمە، باننەرلەر شىعارۋ جونىندە وي تاستادى. اتالعان شىعارماشىلىق جۇمىستاردا بالاعا ۋاقىت ءبولۋ، رۋحاني قۇندىلىقتاردى ءسىڭىرۋ، اتا-انا قامقورلىعىن سەزىندىرۋ سەكىلدى تاربيەگە جەتەلەيتىن ۇراندار جازىلۋ ءتيىس دەپ جوسپارلاندى.

Abai.kz